گھر ہی گھر کے دِیے بُجھاتا ہے
یہ تعصّب فقط رُلاتا ہے
آئینہ اپنا ہی دُشمن بن کر
چہرہ سچ کا مجھے دِکھاتا ہے
کوئی تو بات اس میں ہے ایسی
جو میری رُوح میں سماتا ہے
گھر کی تقسیم کا سوال ہے پھر
رُت کا عنوان یہ بتاتا ہے
بند کمروں میں پِھرتے رہتے ہیں
شور باہر کا یوں ڈراتا ہے
فون پر پُوچھ لی ہے خیریت
رشتہ داروں سے اتنا ناتا ہے
سیما ہم خواب کس طرح دیکھیں
غم جو تعبیر کا ستاتا ہے
سیما عابدی
No comments:
Post a Comment