عارفانہ کلام حمد نعت منقبت
دل آپؐ کی خُوشبو سے ہے آباد نبی جی
کرتے ہیں ہر اک درد سے آزاد نبی جی
یہ جن و بشر، ماہ و مہر، دور کی باتیں
ذرّوں کی بھی سُن لیتے ہیں فریاد نبی جی
اک نظرِ کرم ہو تو کہیں داد بھی پاؤں
اب تک ہوں فقط مصرعۂ بیداد، نبی جی
تم حال صبا! در پہ مِرا، رو کے سُنانا
کہنا کہ یہ بے بس کی ہے رُوداد، نبی جی
جب آپؐ سنواریں گے تو حالات ہمارے
گردش بھی نہ کر پائے گی برباد نبی جی
تا عمر رہے زین گدائے شاہِ بطحیٰﷺ
فرمائیے منگتے کا جہاں شاد نبی جی
زین شکیل
No comments:
Post a Comment