عارفانہ کلام حمد نعت منقبت
کیا جُھکا کعبے کی جانب کو ہے قبلا بادل
سجدے کرتا ہے سُوئے طیبہ و بطحا بادل
چھوڑ کر بتکدۂ ہند و صنم خانۂ بُرج
آج کعبہ میں بچھائے ہے مُصلّا بادل
سبزۂ چرخ کو اندھیاری لگا کر لایا
شہسوارِ عربیﷺ کے لیے کالا بادل
بحرِ امکاں میں رسولِؐ عربی دُرِ یتیم
رحمتِ خاص خداوندِ تعالٰی بادل
قبلہِ اہلِ نظر کعبہِ ابروئے حضورؐ
مُوئے سَر قبلے کو گھیرے ہوئے کالا بادل
رشک سے شعلۂ رُخسار کے روتی ہے برق
برق کے منہ پہ رکھے ہوئے پلّا بادل
محسن کاکوروی
No comments:
Post a Comment