عارفانہ کلام حمد نعت منقبت
زباں پہ جب آئے نام سرورﷺ درود پڑھنا سلام پڑھنا
بھلا ہے کیا کام اس سے بڑھ کر درود پڑھنا سلام پڑھنا
لطافتوں کی فضا میں اپنی بڑے مزے سے گُزر رہی ہے
ہمیں بحکمِ خُدائے بر تر درودﷺ پڑھنا سلام پڑھنا
وہ سدرۃ المنتہیٰ پہ جا کر پلٹ کے لمحے میں آنے والے
انہیں کا ہر وقت نام لے کر درودﷺ پڑھنا سلام پڑھنا
وہ سوچ ہی سوچ کی حدوں میں فضائے طیبہ میں خود کو پانا
پھر ایسی ہی کیفیت میں اکثر درودﷺ پڑھنا سلام پڑھنا
نہیں کوئی نذر اس سے بڑھ کر ہر اک عبادت ہے ہے یہ بہتر
یہی ہے عشقِ شفیعِ محشرﷺ، درودﷺ پڑھنا سلام پڑھنا
رباب جب غم سے ہو پریشاں نہ پاؤ راحت کا کوئی ساماں
تو بہرِ تسکینِ قلبِ مُضطر، درودﷺ پڑھنا سلام پڑھنا
رباب رشیدی
No comments:
Post a Comment