باوجود
مِرا سوال دوسرا تھا تم نے کیا سمجھ لیا
میں آرزو کے محل کی مسحُور اک پری سی تھی
جس کی چال میں لچک تھی جس کے ہونٹ پہ ہنسی
تم آرزو کے محل کی دیوار سے لگے ہوئے
کھڑے تھے میری زندگی کی ڈور سے جُڑے ہوئے
میں آنکھ بھر کے دیکھتی تمہیں
تو پوچھتی کہ تم نے ڈور کیوں ہے تھام لی
مگر نظر جو آئے تم تو آنکھ کب اُٹھی مِری
جھکی نظر سے میں نے یہ کہا کہ میں وجود ہوں
تمہاری زندگی کی اُلجھنوں کے باوجود ہوں
میں آرزو کے محل کی مسحور اک پری سی تھی
تمہارے لوہے کے محل کی زنگ سے بھری ہوئی
رنگ کا غلاف اوڑھے شان سے تنی ہوئی
گلی میں مجھ کو چھوڑ کر
وجود کی تلاش میں نکل نہ جاؤ تم کہیں
صادقہ نواب سحر
صادقہ آراء
No comments:
Post a Comment