میں خواب نور سے بیدار ہو کے آیا ہوں

 عارفانہ کلام حمد نعت منقبت

میں خوابِ نُور سے بیدار ہو کے آیا ہوں

نبیؐ کے عشق سے سرشار ہو کے آیا ہوں

ہو انﷺ کی محفلِ میلاد کا بیاں کیسے

میں گویا آپؐ کے دربار ہو کے آیا ہوں

میں جان دے دوں گا آقاؐ تمہاری عزت پر

میں گھر سے ہر طرح تیار ہو کے آیا ہوں

حضورؐ دامن رحمت میں ڈھانپ لو مجھ کو

جہان والوں سے بیزار ہو کے آیا ہوں

خدا کا شکر ہے میں خاکدانِ ہستی پر

غلام سیدِ ابرارﷺ ہو کے آیا ہوں

یہ انؐ کی نعت کا اعجاز ہی تو ہے دانش

میں آج صاحبِ گُفتار ہو کے آیا ہوں

اعجاز دانش