عارفانہ کلام حمد نعت منقبت
اے زہے مرتبہ و شان رسولِ عربیؐ
خود خدا بھی ہے ثنأ خوان رسول عربی
دیکھ سکتی ہے نظر جلوۂ عرفانِ خدا
دل کو ہو جائے جو عرفانِ رسول عربی
بندگی میں بھی وہ آزادیٔ انساں کے امیں
کسی نے دیکھے ہے غلامانِ رسول عربی
اُن کے مرہونِ کرم ہم سے گنہگار بھی ہیں
کسی قدر عام ہے فیضانِ رسول عربی
ہم کو خورشیدِ قیامت کا نہیں ڈر کوئی
ہم پہ ہے سایۂ دامان رسول عربی
دولتیں کون و مکاں کی ہیں انہی کو تو نصیب
وہ جو ہیں بے سر و سامان رسول عربی
سادہ لفظوں میں ہے اظہارِ عقیدت مخمور
کب مرے شعر ہیں شایان رسول عربی
مخمور سعیدی
No comments:
Post a Comment