خواہش تھی اس کی دل سے ہو چاہت تمام شد

 خواہش تھی اس کی دل سے ہو چاہت تمام شُد

سو لمحہ لمحہ کی ہے محبت تمام شد

اس نے لبوں پہ پیار سے بوسہ جو دے دیا

میری زبان کی ہوئی لُکنت تمام شد

اک عمر میں جیا ہوں تِرے خواب زار میں

اک عرصے میں ہوئی تِری قٗربت تمام شد

مقتول کی گواہی بھی لینی پڑے تو لے

ہو بے خطا سزا تو، عدالت تمام شد

پہلے تھا احترام، مساوات کا سلوک

اب عشق نے تو کر دی ہے عزت تمام شد

مجھ کو بلا رہے ہیں وہی دشت اور وہ قیس

کیسے کروں بتا میں یہ وحشت تمام شد

تم نے تو اتنی دیر لگا دی ہے آنے میں

اس انتظار نے تو کی حالت تمام شد

ايہاب شريف