عارفانہ کلام نعتیہ کلام
اللّٰہ اللّٰہ یہ مرتبہ انﷺ کا
کوئی ثانی نہ ہو سکا انﷺ کا
سب سے اچھی ہماری عادت ہے
"ذکر کرتے ہیں جا بجا انﷺ کا"
میرے آقاؐ شفیع محشرﷺ ہیں
عاصیوں کو ہے آسرا انﷺ کا
جس سے دور اضطراب ہوتا ہے
خوبصورت ہے تذکرہ انﷺ کا
آبِ رحمت ہے انگلیوں سے رواں
کتنا پیارا ہے معجزہ انﷺ کا
انﷺ کی سیرت حلیم کیا کہنا
خُلد لے جائے راستہ انﷺ کا
عبدالحلیم گونڈوی
No comments:
Post a Comment