جز ندامت ملال کیا ہو گا
حاصلِ اشتعال کیا ہو گا
میں کہ خانہ بدوش ہوں مجھ کو
ہجرتوں کا ملال کیا ہو گا
خامشی جب کلام کرتی ہو
پھر وہاں قیل و قال کیا ہو گا
ایک مدت سے ہجر لاحق ہے
کوئی مجھ سا نڈھال کیا ہو گا
جس پہ وعدہ ہے رب کی بخشش کا
٭قطرۂ انفعال٭ کیا ہو گا
ضد پہ آئے ہوئے ہیں اشک مِرے
ضبط! اب تیرا حال کیا ہو گا
دوست ترکش بدوش ہیں شازی
زخم کا اندمال کیا ہو گا
شہناز شازی
اننفعال= شرمندگی، خجالت، ندامت
قطرۂ انفعال= ندامت کا پسینہ
No comments:
Post a Comment