میرے محبوب علاجِ دلِ بسمل کر دو
اپنی چاہت کو مِرے پیار کا حاصل کر دو
اپنی پلکوں کے ستاروں کو بکھر جانے دو
سونی سونی سی ہے دنیا، اسے جھلمل کر دو
کسی ٹوٹی ہوئی کشتی کی طرح لہروں پر
زندگی ڈول رہی ہے، لبِ ساحل کر دو
اپنی آنکھوں کی اداسی کو مِرے نام کرو
دل کے غم دے کے مجھے محرمِ کامل کر دو
سارے غم اپنے مجھے دے کے تم آزاد رہو
اور مجھ کو غمِ دوراں کے مقابل کر دو
سائے جو رقصاں اداسی کے ہیں ان آنکھوں میں
اک جگہ کر کے انہیں عارض کا مِرے تل کر دو
تحفہ مت بھیجو تبسم کو کسی غیر کے ہاتھ
خود چلے آؤ کبھی، اور اسے مل کر دو
تبسم رضوی
No comments:
Post a Comment