اترنے والی نہیں ہے کبھی سفر کی تھکن
اسی لیے مِرے اندر ہے ہر خبر کی تھکن
نہ جانے کتنے مسافر یہاں سے گزرے ہیں
نہ جانے کون اتارے گا راہگزر کی تھکن
ہر آتا جاتا مسافر یہیں ہے سستاتا
پرندے آ کے اتاریں گے کب شجر کی تھکن
کبھی کبھی تو یوں آنکھیں نڈھال ہوتی ہیں
حسین چہروں سے مٹتی نہیں نظر کی تھکن
وہیں رکیں گے کہ اب جس جگہ قیام ہوا
اتاریں پھینکیں گے اسبابِ عمر بھر کی تھکن
ہم اس وجہ سے بھی ساجد نڈھال پڑتے ہیں
ہمارے جسم میں شامل ہے کوزہ گر کی تھکن
ساجد رضا
No comments:
Post a Comment