وہ کیا ہے جو نہیں ہے مرے مصطفیٰ کے پاس

 عارفانہ کلام حمد نعت منقبت

وہ کیا ہے جو نہیں ہے مِرے مصطفیٰؐ کے پاس

قطرے کی حیثیت نہیں بحرِ سخا کے پاس

راز و نیازِ عشق کہاں ڈھونڈتا ہے تُو

یا رب کے پاس ہے یا حبیبِؐ خدا کے پاس

عشقِ نبیﷺ نے اپنے اِحاطے میں لے لیا

پاس آئے میرے، اب کہاں طاقت بَلا کے پاس

رفتار اُنﷺ کی کوئی بھلا کیسے پا سکے؟

اک آن میں جو پہونچے ہیں قصرِ دنا کے پاس

اُن کی عطا کا سب سے انوکھا ہی طرز ہے

منگتوں کو بخشتے ہیں ہمیشہ بُلا کے پاس

پہلو میں میرے دل کو نہ ڈھونڈو، نہ پاؤ گے

اِس کا پتہ مِلے گا شہِ دو سراﷺ کے پاس

رحمت کا سائبان میسّر ہُوا مجھے

جاؤں تو جاؤں کیوں میں سحر! اغنیا کے پاس

سحر بلرام پوری

غلام جیلانی سحر