منزلوں پہ منزلیں رَستوں میں رَستے رہ گئے
ہم بگولے اپنے اندر ہی بھٹکتے رہ گئے
شہر کی گلیوں کو مفلس دھوپ کا دکھ کھا گیا
ٹھنڈے کمروں میں ہرے بادل برستے رہ گئے
بھوک کی میلی چٹائی پر امیدیں سو گئیں
خشک آنسو پیاس کے مارے بِلکتے رہ گئے
کٹ گئیں گلیوں سے گلیاں مسجدوں کی بھیڑ میں
شہر بے کردار میں خطبے ہی خطبے رہ گئے
خود کو لکھا ہم نے دیواروں پہ نعروں کی طرح
پھر وہ نعرے ایک دوجے کو مٹاتے رہ گئے
زلزلے نے آ لیا کچھ اس طرح سے شہر کو
سب مکاں اپنی جگہ بیٹھے کے بیٹھے رہ گئے
وہ تو آندھی کی طرح آیا، اسے کیا دیکھتے
ہم تو بس ٹوٹے ہوئے پتوں کو گِنتے رہ گئے
آج برسوں بعد اس سے مل کے ہم پر یہ کھلا
ہم تو اس کے ہجر میں ارمانؔ آدھے رہ گئے
ہم بگولے اپنے اندر ہی بھٹکتے رہ گئے
شہر کی گلیوں کو مفلس دھوپ کا دکھ کھا گیا
ٹھنڈے کمروں میں ہرے بادل برستے رہ گئے
بھوک کی میلی چٹائی پر امیدیں سو گئیں
خشک آنسو پیاس کے مارے بِلکتے رہ گئے
کٹ گئیں گلیوں سے گلیاں مسجدوں کی بھیڑ میں
شہر بے کردار میں خطبے ہی خطبے رہ گئے
خود کو لکھا ہم نے دیواروں پہ نعروں کی طرح
پھر وہ نعرے ایک دوجے کو مٹاتے رہ گئے
زلزلے نے آ لیا کچھ اس طرح سے شہر کو
سب مکاں اپنی جگہ بیٹھے کے بیٹھے رہ گئے
وہ تو آندھی کی طرح آیا، اسے کیا دیکھتے
ہم تو بس ٹوٹے ہوئے پتوں کو گِنتے رہ گئے
آج برسوں بعد اس سے مل کے ہم پر یہ کھلا
ہم تو اس کے ہجر میں ارمانؔ آدھے رہ گئے
علی ارمان
No comments:
Post a Comment