ترانہ
لبوں پہ اہلِ امن کے
لہو ترنگ ہی سہی
عدُو سے جنگ ہی سہی
چلو کے دشمنوں کا یہ گھمنڈ
توڑ دیں
مروڑ دیں
غنیم پر یہ عرصۂ حیات
تنگ ہی سہی
عدُو سے جنگ ہی سہی
جنگ ہی سہی
کہاں گیا ہے تُو؟
مرے دیار کو پکار کر
جو حوصلہ ہے کچھ اگر تو سامنے سے وار کر
اگر جواب خِشت سنگ ہے
تو سنگ ہی سہی
عدُو سے جنگ ہی سہی
جنگ ہی سہی
نہ چاہتے تھے ہم، مگر
یہ امتحاں بھی ہو چلے
کہاں ہے لشکرِ ستم
کہ آ گئے ہیں منچلے
اسی کی خاک اسی کے خوں سے
لالہ رنگ ہی سہی
عدُو سے جنگ ہی سہی
احمد فراز
No comments:
Post a Comment