اِک بار تو ایسی بھی جسارت کبھی کر جا
آ، اور مری تشنگئ جاں میں اُتر جا
ویرانئ دل پر کبھی اتنا تو کرم کر
اِس راہگزر سے نم موسم سا گُزر جا
طُرفہ ہیں بہت میرے دل و جاں کی پھواریں
دیکھوں میں طلُوع، رُخِ انور ترا یُوں بھی
آ، مثلِ سحر لمس کی شبنم سے نکھر جا
رہنے دے کسی پَل تو یہ اندازِ شہابی
مُختار ہے تُو، پھر بھی کوئی دَم تو ٹھہر جا
پڑتا ہے رہِ شوق میں کچھ اور بھی سہنا
ماجدؔ نہ فقط خدشۂ رُسوائی سے ڈر جا
ماجد صدیقی
No comments:
Post a Comment