کوئی استخارہ اشارہ نہیں ہے

 کوئی استخارہ اشارہ نہیں ہے

مِرے زخم کا کوئی چارہ نہیں ہے

تمہارے مطابق نہیں چل سکے گا

یہ دل ہے ہمارا تمہارا نہیں ہے

یوں دیکھیں تو میرا سبھی کچھ لٹا ہے

مجھے اک طرح سے خسارا نہیں ہے

میں فرہاد و مجنوں کے جیسا نہیں تھا

سو تجھ کو سر رہ پکارا نہیں ہے

فقط ہاتھ وہم و گماں میں اٹھے ہیں

کہیں کوئی ٹوٹا ستارا نہیں ہے

سوا کوئی جس کے نہیں ہے ہمارا

وہی شخص سوہل ہمارا نہیں ہے

سوہل بریلوی