عارفانہ کلام حمد نعت منقبت
قلبِ مضطر کو ملے چین اے شاہِ کونین
ہو کرم صدقۂ سبطین اے شاہِ کونینﷺ
میرا ہر دن بھی گزرتا ہے تری یادوں میں
ہجر میں روتی ہے ہر رین اے شاہِ کونین
مانگتے رہتے ہیں نظارہ طیبہ ہر دم
میرے یہ ترسے ہوئے نین اے شاہِ کونین
سر پہ رکھوں کبھی آنکھوں سے لگاؤں اس کو
پاؤں جو آپ کے نعلین اے شاہِ کونین
کس کو معلوم سوا آپ کے مفہومِ دنی
آپ ہیں صاحبِ قوسین اے شاہِ کونین
کیجے نازش کی طرف ایک نگاہِ رحمت
آئیں جس وقت نکیرین اے شاہِ کونین
حنیف نازش قادری
No comments:
Post a Comment