بہہ گئے ضبط کے ساگر کے کنارے سارے
ریگِ غم پی گئی بہتے ہوئے دھارے سارے
عمر بھر پہنے رہے تن پہ ترا ہجر و فراق
جبر کے جتنے بھی موسم تھے گزارے سارے
بوجھ سے جن کے، بدن دوہرا ہوا جاتا تھا
اجنبی چور، چرا لے گئے خوابوں کے چراغ
لاپتہ ہو گئے آکاش کے تارے سارے
گھر سے نکلے تھے جو مکتب کیلیے بستہ بدوش
راہ میں اغوا ہوئے چاند ہمارے سارے
کون آکاش میں ہے اور وہ کیا کہتا ہے
ان کہے لفظوں میں اترے ہیں اشارے سارے
سیرِ آفاق تھی اس بت کی زیارت مسعودؔ
بند آنکھوں پہ قیامت تھے نظارے سارے
مسعود منور
No comments:
Post a Comment