تم نے جو درد کیے میرے حوالے گن لو

اس سے پہلے کہ کوئی ان کو چرا لے، گِن لو 

تم نے جو درد کیے میرے حوالے، گن لو

چل کے آیا ہوں، اٹھا کر نہیں لایا گیا میں 

کوئی شک ہے تو مرے پاؤں کے چھالے گن لو

جب میں آیا تو اکیلا تھا، گنا تھا تم نے

آج ہر سمت مِرے چاہنے والے گن لو

تمہارے جسم میں شہد اور نمک برابر ہے

خدا نے تول کے گوندھے ہیں ذائقے تم میں

تمہارے جسم میں شہد اور نمک برابر ہے

وہ حسن تم کو زیادہ دیا ہے فطرت نے

جو حسن پھول سے مہتاب تک برابر ہے

ہر ایک صحن میں تو چاندنی چھٹکتی نہیں

جمالِ یار پہ کب سب کا حق برابر ہے

تمام ان کہی باتوں کا ترجمہ کر کے

تمام ان کہی باتوں کا ترجمہ کر کے 

کوئی بتائے ان آنکھوں کا ترجمہ کر کے

سناؤں گا نہیں لیکن کہا تو ہے اک شعر 

تمہاری ساری اداؤں کا ترجمہ کر کے

میں کافی باتیں پسِ گفتگو بھی کرتا ہوں 

مجھے سنو مِری سوچوں کا ترجمہ کر کے

اک دعا نے بچا لیا ہے ہمیں

اک دعا نے بچا لیا ہے ہمیں

ورنہ کس کس کی بد دعا ہے ہمیں

اس کی رسوائیوں کا ڈر بھی ہے

اور کہنا بھی برملا ہے ہمیں 

وصل کی آرزو بھی ہے دل میں

ہجر کا دکھ بھی جھیلنا ہے ہمیں

یاد کرنے پہ نہ یاد آئیں زمانے ہو جائیں

یاد کرنے پہ نہ یاد آئیں زمانے ہو جائیں

وہ نئے حرف نہ لکھو جو پرانے ہو جائیں

ہم سخاوت ہی پہ آمادہ نہیں ہیں، ورنہ

دل ہمارے بھی محبت کے خزانے ہو جائیں

کون پرچھائیوں کے عکس کو پہچانے گا

گھر اگر گھر نہ رہیں، آئینہ خانے ہو جائیں

بنام دل فگاراں کج ادا آتی رہے گی

بنامِ دل فگاراں کج ادا آتی رہے گی

دریچے کھول کر رکھنا ہوا آتی رہے گی

کوئی موسم بھی ہو امید کا دامن نہ چھوٹے

خبر آئے نہ آئے، پر صبا آتی رہے گی

کہاں تک تم نظر انداز کر پاؤ گے مجھ کو

جہاں بھی جاؤ گے میری صدا آتی رہے گی

اب اس کے بعد کوئی رہگزر عزیز نہیں

اب اس کے بعد کوئی رہگزر عزیز نہیں

سفر عزیز ہے، اور ہمسفر عزیز نہیں

میں ناتواں صحیح لیکن مجھے پکار کے دیکھ

تیری طلب سے زیادہ تو سر عزیز نہیں

چراغ ہے نہ کوئی انتظار ہے، ورنہ

تمہی کہو کہ کسے بام و در عزیز نہیں

دکھ؛ قصرِ سفید میں بیٹھا خون آشام درندہ

دکھ

قصرِ سفید میں بیٹھا خون آشام درندہ

کس انجیل کا پیرو ہے؟

دین کے نام پہ دہشت نافذ کرنے والے

کس قرآن کے طالب ہیں؟

روشن روشن چہروں والے

مہکی مہکی زلفوں والے

مجھے عشق فقیر بلاتا ہے

مجھے عشق فقیر بلاتا ہے

اک دید مجھے اکساتی ہے

کوئی آیت یاد دلاتی ہے

اک مصحف سامنے آتا ہے

مجھے عشق فقیر بلاتا ہے

آ حیرت کو حیران کریں

اس بھید بھری خلوت اندر

خط ہجراں آج سے نوحہ گری ہو گی

خطِ ہجراں

آج سے ضبط کے صحرا کی طرف چلنا ہے 

آج سے قرض اٹھانے ہیں تِرے غم کے بس

آج سے بجھتے چراغوں سے سخن کرنے ہیں

آج سے یاد کے موسم کی ہوا چلنی ہے

آج سے بوجھ تمناؤں کے اٹھائے پھروں گی 

آج سے اشک فشانی پہ جوانی ہو گی

جس کو دیکھو وہ خدا بنتا ہے

اپنے قامت سے بڑا بنتا ہے

جس کو دیکھو وہ خدا بنتا ہے

ہم تو جیسے بھی بنے بن گئے ہیں

دیکھیے آپ کا کیا بنتا ہے

وہ مِرا تیرے سوا بنتا نہیں 

جو مِرا تیرے سوا بنتا ہے

اے وائے بر حرف ہنر

اے وائے بر حرفِ ہنر

سورج سوا نیزے پہ اور نیزہ مرے سینے کے پار

اور ہر طرف زندہ لہو کی آگ میں جھلسے ہوئے، جلتے ہوئے لفظوں کے بیچ

"اک نسخۂ "مہر دونیم

اور اک بھیانک چیخ، پھر اک قہقہہ

پھر ایک آوازِ فغاں

اور ہوا چپ رہی

اور ہوا چپ رہی

شاخِ زیتون پر کم سخن فاختاؤں کے اتنے بسیرے اجاڑے گئے

اور ہوا چپ رہی

بے کراں آسمانوں کی پہنائیاں بے نشیمن شکستہ پروں کی تگ و تاز پر بین کرتی رہیں

اور ہوا چپ رہی

زرد پرچم اڑاتا ہوا لشکرِ بے اماں گُل زمینوں کو پامال کرتا رہا

احتجاج

احتجاج

اور سنا ہے

ایک چمگادڑ چنبیلی کے مہکتے کنج میں دم توڑتی

دیکھی گئی ہے

سنا ہے خوشبوؤں میں اس کا دَم گھٹنے لگا تھا

اور ننھے پھول سورج بن کے اس کی بے یقین

ایک رخ

ایک رخ

وہ فرات کے ساحل پر ہوں یا کسی اور کنارے پر

سارے لشکر ایک طرح کے ہوتے ہیں

سارے خنجر ایک طرح کے ہوتے ہیں

گھوڑوں کی ٹاپوں میں روندی ہوئی روشنی

دریا سے مقتل تک پھیلی ہوئی روشنی

محبت کی رنگینیاں چھوڑ آئے

محبت کی رنگینیاں چھوڑ آئے

ترے شہر میں اک جہاں چھوڑ آئے

وہ سبزہ، وہ دریا، وہ پیڑوں کے سائے

وہ گیتوں بھری بستیاں چھوڑ آئے

پہاڑوں کی وہ مست شاداب وادی

جہاں ہم دلِ نغمہ خواں چھوڑ آئے

وہ کہہ رہے ہیں محبت نہیں وطن سے مجھے

وہ کہہ رہے ہیں محبت نہیں وطن سے مجھے

سکھا رہے ہیں محبت مشین گن سے مجھے

میں ’بے شعور ہوں‘ کہتا نہیں ستم کو کرم

یہی خطاب ملا ان کی انجمن سے مجھے

سِپر جو شہ کی بنے، غاصبوں کے کام آۓ

خدا بچاۓ رکھے ایسے علم و فن سے مجھے

حبیب جالب

ناموس کے جھوٹے رکھوالو تم وحشی ہو تم قاتل ہو

تم وحشی ہو تم قاتل ہو

ناموس کے جھوٹے رکھوالو

بے جرم ستم کرنے والو

کیا سیرت نبویﷺ جانتے ہو؟ 

کیا دین کو سمجھا ہے تم نے؟ 

کیا یاد بھی ہے پیغام نبیﷺ؟ 

کیا نبیﷺ کی بات بھی مانتے ہو؟ 

یک دم کوئی دل دھڑکا

یکدم کوئی دل دھڑکا

شعلہ سا کہیں بھڑکا

جب تک کوئی سمجھے

لو پھوٹ بہے دھارے

آوازیں ملیں باہم

اور گونج اٹھے نعرے 

کوتوال بیٹھا ہے کیا بیان دیں اس کو

کوتوال بیٹھا ہے

کیا بیان دیں اس کو

جان جیسے تڑپی ہے

کچھ عیاں نہ ہو پائے

وہ گزر گئی دل پر جو بیاں نہ ہو پائے

ہاں لکھو کہ سب سچ ہے، سب درست الزامات

مری چنبیلی کی نرم خوشبو

مِری چنبیلی کی نرم خوشبو

ہوا کے دھارے پہ بہہ رہی ہے

ہوا کے ہاتھوں میں کھیلتی ہے

تِرا بدن ڈھونڈنے چلی ہے

مِری چنبیلی کی نرم خوشبو

مجھے تو زنجیر کر چکی ہے