اس نے میٹنگ بلائی

اس نے میٹنگ بلائی

کہا لوگ دن رات کنٹرول میں ہیں

ٹیپ منہ پر لگائی

کہا سب بیانات کنٹرول میں ہیں

اس نے گولی چلائی

کہا سر جی، حالات کنٹرول میں ہیں

عقلیت پسندی سے اقلیت پسندی تک

عقلیت پسندی سے اقلیت پسندی تک

دیگر میرے خلاف بول رہے ہیں

اکثر اپنے حق میں خاموش ہیں

مرده پرستی کی کلاس ختم 

ہیرو ورشپ کا پیریڈ شروع

پرانے بتوں کو توڑ مروڑ کر

جوڑ لیے گئے ہیں نت نئے بت

اپنا اپنا جسم اپنی مملکت بنتی تو ہے

اپنا اپنا جسم اپنی مملکت بنتی تو ہے 

چار چھ فٹ کی سہی پر سلطنت بنتی تو ہے

زندگی نے جس جہنم سے گزارا ہے ہمیں 

بعد مرنے کے ہماری مغفرت بنتی تو ہے

جس پہ رنگ و نور کے در وا کرے تیرا بدن 

اس اندھیرے میں چراغوں کی بچت بنتی تو ہے

سب پیچ و تاب شوق کے طوفان تھم گئے

سب پیچ و تاب شوق کے طوفان تھم گئے

وہ زلف کھل گئی، تو ہواؤں کے خم گئے

ساری فضا تھی وادئ مجنوں کی خوابناک

جو روشناسِ مرگِ محبت تھے، کم گئے

وحشت سی ایک لالۂ خونِیں کفن سے تھی

اب کے بہار آئی تو سمجھو کہ ہم گئے

کچھ کرم ہم گوشہ گیروں پر بھی فرمایا کرو

کچھ کرم ہم گوشہ گیروں پر بھی فرمایا کرو

شہر میں آتے ہی رہتے ہو، ادھر آیا کرو

زندگی ہے دام اندر دام، دل کی کیا بساط

اک گرفتارِ بلا کو لاکھ سمجھایا کرو

ہمسفر برحق، مگر اک جائے رشکِ غیر ہے

آدمی کمبخت کوئی معتبر لایا کرو

اوس کی طرح خواب تھے آنکھیں نمی سے بھر گئے

اوس کی طرح خواب تھے آنکھیں نمی سے بھر گئے

رات تھی اپنی زندگی، صبح ہوئی تو مر گئے

دیکھ ہمیں تُو غور سے، تیرے جہانِ عشق میں

ہم وہ عجیب لوگ ہیں، آئے بھی اور گزر گئے

پاؤں تو کٹ چکے مِرے، شوقِ سفر کا کیا کروں

اب وہ مسافتیں کہاں، جب سے وہ ہمسفر گئے

سنو اے دشمنان دل معافی ہے معافی ہے

سنو اے دشمنانِ دل، معافی ہے، معافی ہے

تم اس کو راکھ کر ڈالو کہ جو ہم میں اضافی ہے

تمہارے واسطے ایمان بھی، دنیا بھی، جنت بھی

ہمارے واسطے بس عشق ہے اور عشق کافی ہے

تِرے اذکار سے کیوں 'آخرت' کے لالچی ٹھہریں

ہم ایسے بے غرض لوگوں کو تیرا حسن کافی ہے

اب تجھ سے نہیں کوئی بھی تکرار مرے یار

اب تجھ سے نہیں کوئی بھی تکرار مِرے یار

میں مان گیا میری ہوئی ہار، مرے یار

ممکن ہے مری ہار سے بچ جاۓ تِری جان

تلوار اٹھا اور مجھے مار، مرے یار

میں یونہی نہیں بھاگا تھا صحراؤں کی جانب

آواز سنی تھی کہ مرے یار، مرے یار

محبت کے لیے کب لازمی ہے

محبت کے لیے کب لازمی ہے

مجھے تو ڈوبنا ہے، کنارا مسئلہ ہے کشتیوں کا

میں محبت ہو چکا ہوں، اب مجھے تو ڈوبنا ہے

یہ ہونا اور نہ ہونا یا کسی کو پانا اور پھر پا کے کھونا

محبت کے لیے کب لازمی ہے؟

محبت تو جہاں ہوتی ہے، وہ اس کا علاقہ بنتا جاتا ہے

خونرنگ خموشی کی گرہ کھولنے والے

خوں رنگ خموشی کی گِرہ کھولنے والے

یاں کاٹ دئیے جاتے ہیں سر بولنے والے

ہر پنجرہ کسی دوسرے پنجرے میں پڑا ہے

اڑ کر بھی کہاں جائیں گے پر تولنے والے

ممکن ہے کسی روز قلم کر دیئے جائیں

یہ ہاتھ کتابوں کے ورق پھولنے والے

وطنیت پر ایک نظم

میں

تمام نوعِ انسانی کو

ایک خاندان سمجھتا ہوں

اور دیکھنا چاہتا ہوں

وطنیت کے اس ناپاک تخیل کو

جو

خود غرضی

اے وطن ہم ہیں تیری شمع کے پروانوں میں

ملی ترانہ

اے وطن ہم ہیں تیری شمع کے پروانوں میں

زندگی ہوش میں ہے جوش ہے ایمانوں میں

دلِ عشاق کی مانند یہ تپتے میداں

یہ لچکتے ہوئے جنگل یہ تھرکتے ارماں

یہ پہاڑوں کی گھٹاؤں میں جوانی کی اٹھان

یہ مچلتے ہوئے دریاؤں میں انگڑائی کی شان

گل تو اس خاک داں سے آتے ہیں

گل تو اس خاکداں سے آتے ہیں

رنگ ان میں کہاں سے آتے ہیں

باہر آتے ہیں آنسو اندر سے

جانے اندر کہاں سے آتے ہیں

پھول بھی بھیجتا ہے تحفے میں

تیر جس کی کماں سے آتے ہیں

خواب آرام نہیں خواب پریشانی ہے

خواب آرام نہیں، خواب پریشانی ہے

میرے بستر میں اذیت کی فراوانی ہے

مجھ کو تو وہ بھی ہے معلوم، جو معلوم نہیں

یہ سمجھ بوجھ نہیں ہے، مِری نادانی ہے

کچھ اسے سوچنے دیتا ہی نہیں اپنے سِوا

میرا محبوب تو میرے لیے زندانی ہے

کسی بلا میں گرفتار ہونے والا ہے

کسی بلا میں گرفتار ہونے والا ہے

یہ شہر بے در و دیوار ہونے والا ہے

جو دیکھنا ہے اسے دیکھ لے کہ یہ منظر

ذرا سی دیر میں ہموار ہونے والا ہے

جو بھولنا ہے اسے بھول جا کہ کچھ پَل بعد

یہ کام اور بھی دشوار ہونے والا ہے

شیشے کا یہ مکان ابھی ہے ابھی نہیں

شیشے کا یہ مکان ابھی ہے، ابھی نہیں

یہ دل کی آن بان ابھی ہے، ابھی نہیں

اِس شہر میں کرے بھی کوئی بود و باش کیا

یہ شہر میری جان! ابھی ہے، ابھی نہیں

اک کھیل ہے جو کھیلتی رہتی ہے اس کی یاد 

سینے پہ یہ چٹان ابھی ہے، ابھی نہیں

اب بھی اکثر دھیان تمہارا آتا ہے

اب بھی اکثر دھیان تمہارا آتا ہے

دیکھو گزرا وقت دوبارا آتا ہے

آہ نہیں آتی ہے اب تو ہونٹوں تک

سینے سے بس اک انگارا آتا ہے

جانے کس دنیا میں سوتی جاگتی ہیں

جن آنکھوں سے خواب ہمارا آتا ہے

چار سو ہیں سناٹے

چار سُو ہیں سنّاٹے

ہر طرف ہے ویرانی

ذوقِ وصل کی اب تو

خاک بھی نہیں باقی

رہ گئی تھی اک خواہش

میں نہ اس کو یاد آؤں

کب دور تلک دیکھا

کب دور تلک دیکھا 

لرزاں تھی زمیں کس پل 

کب سُوئے فلک دیکھا 

کب دشت کی تنہائی 

آنکھوں میں اتر آئی 

کب وہم سماعت تھی 

ترے پیار کا نام

تِرے پیار کا نام

دل پہ جب ہوتی ہے یادوں کی سنہری بارش

سارے بیتے ہوۓ لمحوں کے کنول کھلتے ہیں

پھیل جاتی ہے تِرے حرفِ وفا کی خوشبو

کوئی کہتا ہے مگر روح کی گہرائی سے

شدتِ تشنہ لبی بھی ہے تِرے پیار کا نام

علی سردار جعفری

چاند کو رخصت کر دو

چاند کو رخصت کر دو 

میرے دروازے سے اب چاند کو رخصت کر دو 

ساتھ آیا ہے تمہارے جو تمہارے گھر سے 

اپنے ماتھے سے ہٹا دو یہ چمکتا ہوا تاج 

پھینک دو جسم سے کرنوں کا سنہرا زیور 

تم ہی تنہا مِرے غم خانے میں آ سکتی ہو 

ایک مدت سے تمہارے ہی لیے رکھا ہے 

پھر اک دن ایسا آئے گا

پھر اک دن ایسا آئے گا

آنکھوں کے دئیے بجھ جائیں گے

ہاتھوں کے کنول کمھلائیں گے

اور برگ زباں سے نطق و صدا

کی ہر تتلی اڑ جائے گی

اک کالے سمندر کی تہ میں

کلیوں کی طرح سے کھلتی ہوئی

گفتگو بند نہ ہو

نظم

گفتگو بند نہ ہو

بات سے بات چلے

صبح تک شامِ ملاقات چلے

وہ جو الفاظ کے ہاتھوں میں ہے سنگِ دشنام

طنز چھلکائے تو چھلکایا کریں زہر کے جام

مورے اندر میل بھری

گیت

مورے اندر میل بھری سیاں

مورے اندر میل بھری 

گِیتوں کی گٹھڑی باندھ کے میں من کے گاؤں گیا 

آیا تھا بلاوا مِیت کا میں ننگے پاؤں گیا 

شبدوں کی راکھ تھی ہاتھ میں آنکھوں میں ریت دھری 

مورے اندر میل بھری سیاں

اب جو منظر ہے یہ منظر ہو نہ ہو چلتے بنو

اب جو منظر ہے یہ منظر ہو نہ ہو، چلتے بنو

کیمرے سے خواب کی تصویر لو، چلتے بنو

باؤ جی! دنیا سرائے ہے کوئی رکتا نہیں 

چائے پانی پی چکے ہو تو اٹھو، چلتے بنو

اس جزیرے پر محبت ڈھونڈنا جائز نہیں 

خیر چھوڑو آ گئے ہو ڈھونڈ لو، چلتے بنو