بتوں کے در سے کسی کو کبھی خدا نہ ملا
ملا جسے بھی رگِ جاں سے ماورا نہ ملا
حریمِ دل سے جو آتی ہے کن فیکن کی صدا
سنی ہے جس نے اسے خود کا پھر پتہ نہ ملا
خدا کو ڈھونڈ لیا ہم نے میکدے میں مگر
صنم کدوں سے تمہیں کوئی ناخدا نہ ملا
سقوطِ ہجر میں آنسو پئے کہ غم کھایا
مریضِ شب کو انوکھا یہ آب و دانہ ملا
سفر ہے عشق کا تنہا ہی کاٹنا ہو گا
کہ اس سفرمیں کسی کو بھی دوسرا نہ ملا
بلادِ نور کے مقتل پہ سارے پیاسے تھے
وجودِ چشمۂ آبِ صفا نہ تھا نہ ملا
غزل سرا ہے مِری قبر پر مرا قاتل
کہ ذوق اس کو مِرے بعد شاعرانہ ملا
سمندروں کا سفر ہو کہ تپتے صحرا کا
سفیرِ دشت کے سر پر کبھی ہما نہ ملا
چراغ جلتے رہے اور بجھ گئیں آنکھیں
وصالِ یار کہاں کوئی نقشِ پا نہ ملا
حضورِ حسن پہ درویشؔ جاں لٹا کے چلے
مِرے تو ایک نئی زیست کا بہانہ ملا
ملا جسے بھی رگِ جاں سے ماورا نہ ملا
حریمِ دل سے جو آتی ہے کن فیکن کی صدا
سنی ہے جس نے اسے خود کا پھر پتہ نہ ملا
خدا کو ڈھونڈ لیا ہم نے میکدے میں مگر
صنم کدوں سے تمہیں کوئی ناخدا نہ ملا
سقوطِ ہجر میں آنسو پئے کہ غم کھایا
مریضِ شب کو انوکھا یہ آب و دانہ ملا
سفر ہے عشق کا تنہا ہی کاٹنا ہو گا
کہ اس سفرمیں کسی کو بھی دوسرا نہ ملا
بلادِ نور کے مقتل پہ سارے پیاسے تھے
وجودِ چشمۂ آبِ صفا نہ تھا نہ ملا
غزل سرا ہے مِری قبر پر مرا قاتل
کہ ذوق اس کو مِرے بعد شاعرانہ ملا
سمندروں کا سفر ہو کہ تپتے صحرا کا
سفیرِ دشت کے سر پر کبھی ہما نہ ملا
چراغ جلتے رہے اور بجھ گئیں آنکھیں
وصالِ یار کہاں کوئی نقشِ پا نہ ملا
حضورِ حسن پہ درویشؔ جاں لٹا کے چلے
مِرے تو ایک نئی زیست کا بہانہ ملا
فاروق درویشؔ
No comments:
Post a Comment