ہم نے بے فائدہ چھیڑی غمِ ایام کی بات
کون بے کار یہاں ہے کہ سنے کام کی بات
شمع کی طرح کھڑا سوچ رہا ہے شاعر
صبح کی بات سنائے کہ کہے شام کی بات
ہم غریبوں کو تو عادت ہے جفا سہنے کی
ڈھونڈ ہی لیتے ہیں تکلیف میں آرام کی بات
دھوپ میں خاک اڑا لیتے ہیں سائے کے لیے
پیاس لگتی ہے تو کرتے ہیں مئے و جام کی بات
اب تو ہر سمت اندھیرا ہی نظر آتا ہے
خوب پھیلی ہے تِری زلفِ سیہ فام کی بات
صبح کے وقت جو کلیوں نے چٹک کر کہہ دی
بات چھوٹی سی ہے لیکن ہے بڑے کام کی بات
کوئی کہہ دے کہ محبت میں برائی کیا ہے
یہ نہ تو کفر کی ہے بات نہ اسلام کی بات
گرچہ احباب نے سر جوڑ کے ڈھونڈا عاجزؔ
نہ ملی میری غزل میں روشِ عام کی بات
کون بے کار یہاں ہے کہ سنے کام کی بات
شمع کی طرح کھڑا سوچ رہا ہے شاعر
صبح کی بات سنائے کہ کہے شام کی بات
ہم غریبوں کو تو عادت ہے جفا سہنے کی
ڈھونڈ ہی لیتے ہیں تکلیف میں آرام کی بات
دھوپ میں خاک اڑا لیتے ہیں سائے کے لیے
پیاس لگتی ہے تو کرتے ہیں مئے و جام کی بات
اب تو ہر سمت اندھیرا ہی نظر آتا ہے
خوب پھیلی ہے تِری زلفِ سیہ فام کی بات
صبح کے وقت جو کلیوں نے چٹک کر کہہ دی
بات چھوٹی سی ہے لیکن ہے بڑے کام کی بات
کوئی کہہ دے کہ محبت میں برائی کیا ہے
یہ نہ تو کفر کی ہے بات نہ اسلام کی بات
گرچہ احباب نے سر جوڑ کے ڈھونڈا عاجزؔ
نہ ملی میری غزل میں روشِ عام کی بات
کلیم عاجز
No comments:
Post a Comment