اک رات چلو تعمیر کریں
خاموشی کے سنگِ مرمر پہ
تان کے تاریکی سر پہ
دو شمعیں جلائیں جسموں کی
دبے پاؤں اوس اترے
کہرے کی ریشمی خوشبو میں
خوشبو کی طرح لپٹے رہیں
اور جسموں کے سوندھے پردوں میں
روحوں کی طرح لہراتے رہیں
گلزار
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment