غمِ حیات کو حیرت میں ڈالتے رہنا
جہاں تلک بھی ہو ساغر اچھالتے رہنا
جلی ہوئی ہیں جو شمعیں اداس پلکوں پر
انہی سے قریۂ جان کو اجالتے رہنا
عدو سے ربط بڑھا کر بھی کب روا ٹھہرا
ابھی تو بات کرو ہم سے دوستوں کی طرح
پھر اختلاف کے پہلو نکالتے رہنا
اسی میں عشق کی صحت کا راز مضمر ہے
سدا کوئی نہ کوئی روگ پالتے رہنا
قتیلؔ ایک یہی شغل ہے پسند ہمیں
خیالِ یار کو شعروں میں ڈھالتے رہنا
قتیل شفائی
No comments:
Post a Comment