روح بدن میں ہے طپاں جی کو ہے کل سے بےکلی​

روح بدن میں ہے طپاں جی کو ہے کل سے بیکلی​

جلد خبر لو ہم دِلو! جاں فراق میں چلی​

بادِ صبا جو صبحدم باغ میں ناز سے چلی​

نخل نہال ہو گئے، پھُول گئی کلی کلی​

تارکشی دوپٹہ تُو اوڑھے کرن جو ٹانک کر​

ہو شبِ ماہتاب میں کیا ہی صنم جھلا جھلی​

قصہ کیا جو ابر میں اس گلِ تر نے سیر کا​

سبزے نے دور تک کِیا دشت میں فرش مخملی​

بہکے زمینِ شعر میں پاؤں امانت اپنا کیا​

جب ہوئی لغزش اک ذرا نکلا زباں سے یاعلی​

امانت لکھنوی