آغوش میں جو جلوہ گر اک نازنیں ہوا
انگشتری بنا مِرا تن، وہ نگیں ہوا
رونق فزا لحد پہ جو وہ مہ جبیں ہوا
گنبد ہماری قبر کا چرخِ بریں ہوا
کندہ جہاں میں کوئی نہ ایسا نگیں ہوا
روشن ہوا یہ مجھ پہ کہ فانوس میں ہے شمع
ہاتھ اس کا جلوہ گر جو تہِ آستیں ہوا
رکھتا ہے خاک پر وہ قدم جب کہ ناز سے
کہتا ہے آسمان نہ کیوں میں زمیں ہوا
یا رب گِرا عدو پہ امانت کے تُو وہ برق
دو ٹکڑے جس سے شہپرِ روح الامیں ہوا
امانت لکھنوی
No comments:
Post a Comment