ہے غم سے دل فگار غزل کس طرح کہوں
آنکھیں ہیں اشکبار، غزل کس طرح کہوں
گھیرے ہوئے ہیں موت کی پرچھائیاں مجھے
ہوں زندگی پہ بارِ، غزل کس طرح کہوں
آ، شاہدِ بہارِ وفا، جانِ زندگی
دامن ہے تار تار، غزل کس طرح کہوں
ہر لمحہ اک صدی کے برابر تِرے بغیر
اے جانِ انتظار! غزل کس طرح کہوں
دل بہہ رہا ہے خون کی صورت میں آنکھ سے
شامِ فراقِ یار! غزل کس طرح کہوں
ہوں زندگی سے دور، بہت دور آج کل
خوشیوں سے ہے فرار، غزل کس طرح کہوں
راجے! ہر ایک شب سے مِرے خواب چھن گئے
جب لُٹ گیا قرار، غزل کس طرح کہوں
راجے بریلوی
ڈاکٹر مایا کھنہ
No comments:
Post a Comment