انتظار

انتظار

بڑی مشکل سے دن کاٹا

کبھی قہوے کے نشتر سے

کبھی چاۓ کے آرے سے

کبھی سگریٹ کی چھینی سے

کبھی سوہان پانی کے کڑے تیزاب دھارے سے

بڑی مشکل سے دن کاٹا

صلیبی جنگ جاری ہے

صلیبی جنگ جاری ہے

سنا تھا وقت تو اک تیر ہے 

ازلی کماں نے

جس کو نوری چوب میں پورا تشنج بھر کے اک جھٹکے سے چھوڑا تھا

دریغا

وقت جیسے رک گیا ہے 

Sleeping With The Enemy

Sleeping With The Enemy

پھنکارتی

ناگن کے پھن پہ سر کو رکھے رات بھر سویا رہا تھا میں 

نہ جانے سرسراتی نیند تھی

یا ہسہساتی بے حسی

نیلی غشی

یا زہر مہرہ خامشی تھی وہ

ملک لے لو رعایا لے لو

ٹھیلے پر رکھا ہے ملک

ملک لے لو

رعایا لے لو

سب سے سستی رعایا لے لو

نہ آہ بھرے گی نہ فریاد کرے گی

ری سیل ویلیو ہے

سائیں حق سائیں برحق سائیں

سائیں

حق سائیں

برحق سائیں

ہم بد رنگے 

عاجز 

جھوٹے 

تم 

سچ سائیں 

اب کون کہے تم سے

مختصر نظم

اب کون کہے تم سے

ہر خوابِ محبت کی

تعبیر نہیں ہوتی

زین شکیل

مری تھم تھم جاوے سانس پیا

مِری تھم تھم جاوے سانس پیا

مِری آنکھ کو ساون راس پیا

تِرے پیر کی خاک بنا ڈالوں

مِرے تن پر جتنا ماس پیا

تُو ظاہر بھی، تُو باطن بھی

تِرا ہر جانب احساس پیا

فرشتے بھی ہمیں چھوڑ گئے

فرشتہ مہمند کی یاد میں

لوگو

آؤ

ایک بار

فقط ایک بار

صدقِ دل سے

خود پر ماتم کریں

لوگو اپنے قدم گنا کرو

لوگو

اپنے قدم گِنا کرو

آہستہ آہستہ چلا کرو

جھک جھک کر دیکھا کرو

کوئی کُچلا تو نہیں گیا

کچھ مَسلا تو نہیں گیا

چھوڑ کے جانا ہے تو جا پر مات ادھوری ثابت کر

چھوڑ کے جانا ہے تو جا، پر مات ادھوری ثابت کر

مجھ سے جھگڑا کر اور مجھ کو غیر ضروری ثابت کر

میرے پتھر لہجے کی ہر روز شکایت لوگوں سے

آ کر صرف دلائل دے، میری مغروری ثابت کر

بات بجا کہ ہوتے ہیں دو چار مسائل سب کے ہی

جانتی ہوں مجبوری کو، لیکن مجبوری ثابت کر

خوف کی بجلی کڑکی ہو گی

خوف کی بجلی کڑکی ہو گی

جب جب کُنڈی کَھڑکی ہو گی

جس دن بچھڑا ہو گا تم سے

آنکھ یقیناً پھڑکی ہو گی

دئیے کے بجھ جانے سے پہلے

آگ ذرا سی بھڑکی ہو گی

آپ تو دل کو گزرگاہ سمجھ لیتے ہیں

آپ تو دل کو گذرگاہ سمجھ لیتے ہیں

ہم وہ خوش فہم اسے چاہ سمجھ لیتے ہیں

پھر خزانے کا وہ نقشہ بھی سمجھ آئے گا

پہلے جنگل کو گئی راہ سمجھ لیتے ہیں

کون سا خواب کی قیمت ہے، سو جب دل چاہے

خود کو اک ملکہ، تجھے شاہ سمجھ لیتے ہیں

پاؤں پڑتا ہوا رستہ نہیں دیکھا جاتا

پاؤں پڑتا ہوا رستہ نہیں دیکھا جاتا 

جانے والے تِرا جانا نہیں دیکھا جاتا

تیری مرضی ہے جدھر انگلی پکڑ کر لے جا 

مجھ سے اب تیرے علاوہ نہیں دیکھا جاتا

یہ حسد ہے کہ محبت کی اجارہ داری 

درمیاں اپنا بھی سایہ نہیں دیکھا جاتا

اسی لئے تو کسی کو بتانے والا نہیں

اسی لیے تو کسی کو بتانے والا نہیں

کہ تیرا میرا تعلق زمانے والا نہیں

پلٹ کے آ ہی گئے ہو تو اتنا دھیان رہے

تمہارا دوست ہوں لیکن پرانے والا نہیں

یہ جان لو کہ جو دعویٰ کرے فقیری کا

وہ آستین سے ہے، آستانے والا نہیں

یہی نہیں کہ فقط خاک ہو گیا ہو گا

یہی نہیں کہ فقط خاک ہو گیا ہو گا

جہانِ دل خس و خاشاک ہو گیا ہو گا

سنا ہے اب وہ فقیروں سے جھک کے ملتا ہے

رموزِ عشق کا ادراک ہو گیا ہو گا

مگر جو داغ تری روح پر لگے ہیں، وہ

بدن تو بعدِ وضو پاک ہو گیا ہو گا

اندر اندر جلنے والو جیتے رہو

اندر اندر جلنے والو! جیتے رہو

ہجر میں آپ سنبھلنے والو! جیتے رہو

ہم دونوں کو دیکھ کے اک دوجے کے ساتھ

اے ہاتھوں کو ملنے والو! جیتے رہو

کیمپس کی خالی سڑکوں پر شام کے وقت

تنہا پیدل چلنے والو! جیتے رہو

چلتے چلتے یونہی کوئی مل گیا تھا

فلمی گیت

چلتے چلتے، یونہی کوئی مل گیا تھا

سرِ راہ چلتے چلتے

وہیں تھم کے رہ گئی ہے

میری رات ڈھلتے ڈھلتے

جو کہی گئی نہ مجھ سے وہ زمانہ کہہ رہا ہے

کہ فسانہ بن گئی ہے، میری بات چلتے چلتے

آج سوچا تو آنسو بھر آئے

فلمی گیت

آج سوچا تو آنسو بھر آئے 

مدتیں ہو گئیں مسکرائے

ہر قدم پر اُدھر مڑ کے دیکھا

ان کی محفل سے ہم اٹھ تو آئے

رہ گئی زندگی درد بن کے 

درد دل میں چھپائے چھپائے

میں ڈھونڈتا ہوں جسے وہ جہاں نہیں ملتا

میں ڈھونڈتا ہوں جسے وہ جہاں نہیں ملتا

نئی زمین، نیا آسماں نہیں ملتا

نئی زمین، نیا آسماں مل بھی جائے

نئے بشر کا کہیں کچھ نشاں نہیں ملتا

جو اک خدا نہیں ملتا تو اتنا ماتم کیوں 

یہاں تو کوئی مِرا ہم زباں نہیں ملتا

سنا کرو میری جان ان سے ان سے افسانے

سنا کرو میری جان! اِن سے اُن سے افسانے

سب اجنبی ہیں یہاں، کون کس کو پہچانے

میرے جنونِ پرستش سے، تنگ آ گئے لوگ

سنا ہے بند کیے جا رہے ہیں بت خانے

یہاں سے جلد گزر جاؤ، قافلے والو

ہیں میری پیاس کے پھونکے ہوۓ یہ ویرانے

دل غنی ہے دعا سے کیا لینا

دل غنی ہے، دعا سے کیا لینا 

بے ضرورت خدا سے کیا لینا 

اپنی مرضی سے کچھ عطا فرما

ہم کو اپنی رضا سے کیا لینا

دردِ سر کا علاج پتھر ہے

ہوشمندو! صبا سے کیا لینا 

وہ جو عرض نیاز ہوتی ہے

وہ جو عرضِ نیاز ہوتی ہے

عاشقوں کی نماز ہوتی ہے

تجھ کو کیا علم تیری فرقت کی

رات کتنی دراز ہوتی ہے

قلب جب زخم زخم ہو جائے

آنکھ اس وقت باز ہوتی ہے

جب بھی کوئی قصور ہوتا ہے

جب بھی کوئی قصور ہوتا ہے

اتفاقاً، حضور ہوتا ہے

یہ تماشا بھی دیکھ لو آ کر

جامِ امید، چُور ہوتا ہے

دوستی چیز ہی کچھ ایسی ہے

اس میں نقصاں ضرور ہوتا ہے

دلکش و شگفتہ سے خوشنما سہانے سے

دل کش و شگفتہ سے خوشنما سہانے سے

دل میں کچھ کھلونے ہیں آپ کے پرانے سے

آ بسا وہاں فوراً کوئی دوسرا پنچھی

اڑ گیا تھا اک پنچھی اپنے آشیانے سے

جب بھی مسکرایا ہوں تیر کھا کے آیا ہوں

اب تو خوف آتا ہے مجھ کو مسکرانے سے

آپ ہیرا صدف نگیں کیوں ہیں

آپ ہیرا، صدف، نگیں، کیوں ہیں

آپ بے انتہا حسیں، کیوں ہیں

آپ کی کاکلوں کے جنگل میں

اتنی موسیقیاں، مکیں کیوں ہیں

چاند خود بھی نہیں سمجھ پایا

آپ اس درجہ مہ جبیں، کیوں ہیں

بنا ہے پھر وہ رہبر قافلوں کا

بنا ہے پھر وہ رہبر قافلوں کا 

پتہ جس کو نہیں ہے راستوں کا

ہماری قوم کے معمار دیکھو 

لگا ہے جمگھٹا سا مسخروں کا

جو کرنا ہے وہ کرنا ہے ہمی کو 

زمانہ جا چکا ہے معجزوں کا

آپ کا انتظار بھی تو نہیں

آپ کا انتظار بھی تو نہیں 

دل کو لیکن قرار بھی تو نہیں  

دل نہیں پاس تو یہ بہتر ہے 

اب کوئی انتشار بھی تو نہیں 

درد کم تو ہوا ہے چارہ گر

درد کا اعتبار بھی تو نہیں 

ہر چہرہ کب تازہ ہوتا ہے

ہر چہرہ کب تازہ ہوتا ہے 

کچھ چہروں پر غازہ ہوتا ہے 

خواب تو گروی رکھنے پڑتے ہیں 

جینے کا خمیازہ ہوتا ہے 

دیواروں کے کان نہیں ہوتے 

بیچ میں اک دروازہ ہوتا ہے 

محبت دم گھٹ کر مر سکتی ہے

ورنہ، محبت دم گھٹ کر مر سکتی ہے 

محض

ایک کھونٹے سے بندھے رہنا 

محبت نہیں ہوتی 

ایک مُٹھی میں سما جانے والا دل 

اتنا چھوٹا نہیں ہوتا 

کہ نئی محبتوں کا سواگت نہ کر سکے 

ایک آسودہ تھکن سے بیزاری کے بعد

ایک آسودہ تھکن سے بیزاری کے بعد 

شاید زندگی سے 

میرا رشتہ کچھ کمزور پڑ گیا ہے 

بہت دنوں سے ہم ایک دوسرے سے الجھے نہیں 

دیر دیرتک جاگنے کی عادت نے 

مجھے اتنا بوجھل کر دیا ہے 

ایک تصویر

ایک تصویر

موم بتی کی چمکتی روشنی میں

سامنے دیوار پر

اس کا شکن آلود چہرہ کانپتا ہے

انیس ناگی

وقت مسافر

وقت مسافر

وقت ریت گھڑی میں گرتا ہے

وقت دھوپ گھڑی میں چڑھتا ہے

وقت ہندسوں میں چلتا ہے

وقت مسافر ہے

پیچھے سے آوازیں دو

آگے بھاگتا جاتا ہے

پہلے کشش عورت میں تھی

ایک بے کشش نظم

پہلے کشش عورت میں تھی

پھر کشش لفظوں میں تھی

اب لفظ عورت بے کشش

لہروں تک زمیں و آسماں کو دیکھتے ہیں

کائناتی سلسلوں میں

سلسلہ وہ ڈھونڈتے ہیں

جو ہمیں ویران کر کے جا چکا ہے

تیرے واسطے

تیرے واسطے

میں لفظ کی سب حدوں سے، سرحدوں سے

بہت دور ایسی لغت کی تلاشِ مسلسل میں ہوں

جو کبھی ان کہی داستان کو کہے گی

نیا اک جہان اس زمیں پر نمودار ہو گا

نئے لفظ سے میں شاعری لکھوں گا

تیرے واسطے

انیس ناگی

میں سرد مہر زندگی سے کیا طلب کروں

میں سرد مہر زندگی سے کیا طلب کروں

طلب تو ایک بحر ہے

زندگی تو سانس کی لپکتی ایک لہر ہے

جو آ کے پھر گزر گئی

چند سال اس کے نقشِ پا

یہیں کہیں کسی کے ذہن میں رہے

صنوبروں کی وسعت

صنوبروں کی وسعت

دور تک پھیلی صنوبروں کی وسعت

ہواؤں کی سرسراہٹ

روشنی کے مدھم اشارے

تنہا بجتی گھنٹیاں

تمہاری آنکھوں میں اترتی شام کا اندھیرا

تم موت کی طرف آہستہ آہستہ جا رہے ہو

You start dying slowly

اگر تم سفر نہیں کرتے، اگر تم مطالعہ نہیں کرتے

اگر تم زندگی کی آوازوں کو نہیں سنتے

اگر تم اپنے آپ کی تحسین نہیں کرتے

تو تم آہستہ آہستہ موت کی وادی میں اتر رہے ہو

جب تم اپنی عزت نفس کو قتل کرتے ہو

جب تم دوسروں کو اپنی مدد نہیں کرنے دیتے

تو تم موت کی طرف آہستہ آہستہ جا رہے ہو

کہو تم عدالت میں جانے سے پہلے

کہو تم عدالت میں جانے سے پہلے

کہو تم وزارت میں جانے سے پہلے

کہو تم سفارت میں جانے سے پہلے

دکھاؤ ہمیں اپنے اعمال نامے

قیامت کے دن اور خدا پر نہ چھوڑو

قیامت سے یہ لوگ ڈرتے نہیں ہیں

آج کی رات میں اپنی تمام تر اداسی لکھ سکتا ہوں

آج کی رات میں اپنی تمام تر اداسی لکھ سکتا ہوں

محبت بہت مختصر ہے اور اسے بھلانا بہت طویل

شاید یہ آخری دکھ ہے جو اس نے مجھے دیا

اور یہ آخری نظم، جو میں نے اس کے لیے لکھی

پابلو نرودا کی نظم کا اردو ترجمہ