دل میں اک ٹیس اٹھی آنکھ میں آنسو جاگے

 دل میں اک ٹیس اٹھی آنکھ میں آنسو جاگے

شام ہوتے ہی تِری یاد کے جگنو جاگے

اور ہو جائے گی باغوں کی فضا عطر افشاں

تو اگر آئے تو صحراؤں میں خوشبو جاگے

کھل اگر جائیں سیہ مست گھنیرے گیسو

سارے ماحول میں بنگال کا جادو جاگے

میری خبر نہ لینا اے یار ہے تعجب

 میری خبر نہ لینا اے یار ہے تعجب

جی سے بچے جو مجھ سا بیمار ہے تعجب

وعدہ خلافیوں سے تیری ہے دل میں شبہہ

ہووے جو حشر میں بھی دیدار ہے تعجب

تم کہتے ہو کہ وہ آتا ہے پاس تیرے

اس یار سے تو یارو بسیار ہے تعجب

ختم تم پر نبوت کا ہے سلسلہ خاتم الانبیاء

 عارفانہ کلام حمد نعت مقبت

ختم تُم پر نبوّت کا ہے سلسلہ، خاتم اُلانبیاءﷺ

شان کے ہےجو شایاں وہ رتبہ ملا، خاتم الانبیاء

اوّلیں بھی رسُلؑ میں تمہیؐ کو کیا، خاتم الانبیاء

یہ شرف بھی خدا نے تمہیؐ کو دیا،خاتم الانبیاء

آپؐ جیسی عطا، نہ کسی میں سخا، خاتم الانبیاء

آپؐ سا جُود دیکھا کہیں، نہ سُنا، خاتم الانبیاء 

نازاں ہے جس پہ حسن وہ حسن رسول ہے

 عارفانہ کلام حمد نعت مقبت

نازاں ہے جس پہ حُسن، وہ حُسنِ رسولؐ ہے 

یہ کہکشاں تو آپؐ کے قدموں کی دُھول ہے 

اے رہروانِ شوق یہاں سر کے بل چلو 

طیبہ کے راستے کا تو کانٹا بھی پھول ہے 

ہر اک قدم میں اس پہ ضروری ہے احتیاط 

عشقِ بُتاں نہیں ہے یہ عشقِ رسولﷺ ہے 

کن کی تجلیات محمد کی ذات ہے

 عارفانہ کلام حمد نعت مقبت

کُن کی تجلیات محمدﷺ کی ذات ہے

نُورِ الہیّات محمدﷺ کی ذات ہے

عکسِ جمالیات محمدﷺ کی ذات ہے

آئینہ دارِ ذات محمدﷺ کی ذات ہے

بعد از خدا کی ذات محمدﷺ کی ذات ہے

اللہ کی صفات محمدﷺ کی ذات ہے

نور کی انجمن فاطمہ مرکز پنجتن فاطمہ

عارفانہ کلام حمد نعت منقبت

نور کی انجمن فاطمہؑ، مرکز پنجتن فاطمہؑ

کہکشاں سے بھی زیادہ حسِینؑ، تیرے گھر کا چمن فاطمہؑ

خلد کا عرش پر ہے دماغ، چھو كے تیرے چرن فاطمہؑ

عرش سے بن كے آئی ہے تو، مرتضیٰؑ کی دلہن فاطمہؑ

تیرے شوہر كے در سے ملا، ہم کو رزق سخن فاطمہؑ

ہے مشیت تیرے ساتھ یوں، جیسی چھوٹی بہن فاطمہؑ

دیکھ اے دل یہ کہیں مژدہ کوئی لائی نہ ہو

 عارفانہ کلام حمد نعت مقبت

دیکھ اے دل یہ کہیں مژدہ کوئی لائی نہ ہو

اس دیارِ پاک سے چل کر صبا آئی نہ ہو

راہِ طیبہ میں خیالِ ہوش و دانائی نہ ہو

کیا سفر کا لطف جب تک بے خودی چھائی نہ ہو

انﷺ کا جلوہ ہو، ہمارے قلب کا آئینہ ہو

اور کوئی دوسری صورت سے رعنائی نہ ہو