نہ حرف شوق نہ طرز بیاں سے آتی ہے

نہ حرفِ شوق نہ طرزِ بیاں سے آتی ہے 

سپردگی کی صدا جسم و جاں سے آتی ہے 

کوئی ستارہ رگ و پے میں ہے سمایا ہوا 

مجھے خود اپنی خبر آسماں سے آتی ہے 

کسی دکان سے ملتی نہیں ہے گرمیٔ شوق 

یہ آنچ وہ ہے جو سوزِ نہاں سے آتی ہے 

اپنی سچائی کا آزار جو پالے ہوئے ہیں

اپنی سچائی کا آزار جو پالے ہوئے ہیں 

خود کو ہم گردشِ آفات میں ڈالے ہوئے ہیں 

ہیں تو آباد، مگر در بدری کی زد پر 

وہ بھی میری ہی طرح گھر سے نکالے ہوئے ہیں 

اپنی رفتار سے آگے بھی نکل سکتا ہوں 

مجھ پہ کب حاوی مرے پاؤں کے چھالے ہوئے ہیں 

بظاہر یہ وہی ملنے بچھڑنے کی حکایت ہے

بہ ظاہر یہ وہی ملنے بچھڑنے کی حکایت ہے 

یہاں لیکن گھروں کے بھی اجڑنے کی حکایت ہے 

سپہ سالار کچھ لکھتا ہے تصویر ہزیمت میں 

مگر یہ تو عدو کے پاؤں پڑنے کی حکایت ہے 

کنیزِ بے نوا نے ایک شہزادے کو چاہا کیوں 

محبت زندہ دیواروں میں گڑنے کی حکایت ہے 

اس خرابے میں کچھ آگے وہ جگہ آتی ہے

اس خرابے میں کچھ آگے وہ جگہ آتی ہے

کہ جہاں خواب بھی ٹوٹے تو صدا آتی ہے

میں نے زندان میں سیکھا تھا، اسیروں سے اک اِسم

جس کو دیوار پہ پھونکیں تو ہوا آتی ہے

خوب رونق تھی ان آنکھوں میں، پھر اک خواب آیا

ایسے، جیسے کسی بستی میں وبا آتی ہے

سمے نہ دیکھ ابھی گفتگو چلی ہی تو ہے

سمے نہ دیکھ، ابھی گفتگو چلی ہی تو ہے

میں روک دوں گا کسی وقت بھی، گھڑی ہی تو ہے

حسین ہوتی ہے مرضی کی موت، سامنے دیکھ

یہ آبشار بھی دریا کی خودکشی ہی تو ہے

بھٹکتا رہتا ہوں دن بھر اجاڑ کمروں میں

وسیع گھر میں تجرد بھی بے گھری ہی تو ہے

سنو محبت کے صاف منکر

سنو محبت کے صاف منکر
بجا کہا کہ کہیں نہیں ہوں
تمہارے دل کے کسی بھی گوشے میں یاد بن کر
نہیں ہوں اب میں
غبارِ ہجراں کے سلسلوں نے
وصال رُت کی تمام یادیں

نصف سے دیکھ ذرا کم نہ زیادہ آدھا

نصف سے دیکھ ذرا کم نہ زیادہ آدھا 

بانٹ لیتے ہیں محبت تجھے آدھا آدھا 

مہرباں عشق! مجھے کاٹ دیا جائے گا 

ہونے والا ہے مِرا دستِ کشادہ آدھا 

چوک میں دیکھنے والے تھے تماشہ اس کا 

جس کو غربت میں میسر تھا لبادہ آدھا 

وہ نمازوں میں دعاؤں کے وظیفوں جیسا

وہ نمازوں میں دعاؤں کے وظیفوں جیسا

میں رعایا کی طرح ہوں، وہ خلیفوں جیسا

اس کا ہر نقش ہے ازبر مجھے آیت کی طرح

اس کا ہر لمس میسر ہے صحیفوں جیسا

قہقہے کھوکھلے ہونٹوں پہ ہنسی مصنوعی

دکھ کے آزار میں ماحول لطیفوں جیسا

یہ دیا عشق کا درگاہ سے منسوب نہ کر

یہ دِیا عشق کا درگاہ سے منسوب نہ کر

ہر نیا ڈھونگ مِری چاہ سے منسوب نہ کر

لوگ اس رمز کی حالت سے کہاں واقف ہیں

اپنی ہر راہ مِری راہ سے منسوب نہ کر

قصہ گو! ساری کنیزیں نہیں ہوتیں مقتول

اس روایت کو شہنشاہ سے منسوب نہ کر

مجھے لڑتے ہوئے خود سے زمانے ہو گئے ہیں

مجھے لڑتے ہوئے خود سے زمانے ہو گئے ہیں

مِرے ہتھیار سب کے سب پرانے ہو گئے ہیں

تِرے لہجے میں کیوں اتنا تکبر آ گیا ہے 

تو کیا وافر بہت اس فصل دانے ہو گئے ہیں

وہ جن احساس باغوں شوق جگنو رقص میں تھے

کہیں کیا کن بلاؤں کے ٹھکانے ہو گئے ہیں

ہمیں خالی تماشوں میں مگن رکھا گیا ہے

ہمیں خالی تماشوں میں مگن رکھا گیا ہے

پسِ پردہ یہاں کچھ اور ہی ہوتا رہا ہے

تُلا بیٹھا ہے وہ سورج بجھانے پر تو سمجھو

چراغوں کے تصادم کا سمے سر پر کھڑا ہے

زمانوں سے روایت ہے یہی شہرِ وفا کی

کہ یہ ہر موسمِ گل میں کوئی سر مانگتا ہے

دل آباد کہاں رہ پائے اس کی یاد بھلا دینے سے

دل آباد کہاں رہ پائے اس کی یاد بھلا دینے سے 

کمرہ ویراں ہو جاتا ہے اک تصویر ہٹا دینے سے 

بے تابی کچھ اور بڑھا دی ایک جھلک دکھلا دینے سے 

پیاس بجھے کیسے صحرا کی دو بوندیں برسا دینے سے 

ہنستی آنکھیں لہو رلائیں کھلتے گل چہرے مرجھائیں 

کیا پائیں بے مہر ہوائیں دل دھاگے الجھا دینے سے 

یہ جو الفاظ کو مہکار بنایا ہوا ہے

یہ جو الفاظ کو مہکار بنایا ہوا ہے 

ایک گل کا یہ سب اسرار بنایا ہوا ہے

سوچ کو سوجھ کہاں ہے کہ جو کچھ کہہ پائے

دل نے کیا کیا پسِ دیوار بنایا ہوا ہے

پیر جاتے ہیں یہ دریائے شب و روز اکثر

باغ اک سیر کو اس پار بنایا ہوا ہے

وہ قرب و ہجر کے سب روز و شب گزارے ہوئے

وہ قرب و ہجر کے سب روز و شب گزارے ہوئے

ہمارے شعر بنے یا سخن تمہارے ہوئے

قمار خانۂ شہرِ وفا میں حوصلہ رکھ

یہاں تو جشن مناتے ہیں لوگ ہارے ہوئے

حرم تو خیر مگر بت کدے ہیں کیوں ویراں

تو کیا خدا کو صنم آشنا بھی پیارے ہوئے

بے رخی تو نے بھی کی عذر زمانہ کر کے

بے رخی تُو نے بھی کی عذرِ زمانہ کر کے

ہم بھی محفل سے اٹھ آئے ہیں بہانہ کر کے

کتنی باتیں تھیں کہ نہ کہنا تھیں وہ کہہ بھیجی ہیں

اب پشیمان ہیں قاصد کو روانہ کر کے

جانتے ہیں وہ تنک خو ہے، سو اپنا احوال

ہم سنا دیتے ہیں، اوروں کا فسانہ کر کے

کچھ ضرورت سے کم کیا گیا ہے

کچھ ضرورت سے کم کیا گیا ہے
تیرے جانے کا غم کیا گیا ہے
تا قیامت ہرے بھرے رہیں گے
ان درختوں پہ دم کیا گیا ہے
اس لیے روشنی میں ٹھنڈک ہے
کچھ چراغوں کو نم کیا گیا ہے

اداس پھولوں کی پتیوں سے بنی ہوئی ہے

اداس پھولوں کی پتیوں سے بنی ہوئی ہے 

ہماری تقدیر کاغذوں سے بنی ہوئی ہے

سکون غارت کیا ہوا ہے تمام گھر کا 

کہ ان ہواؤں کی کھڑکیوں سے بنی ہوئی ہے

چہار سو چلچلاتے عکسوں کا سلسلہ ہے 

یہ آنکھ جانے کن آئینوں سے بنی ہوئی ہے

چلے جانے کی عجلت میں

چلے جانے کی عجلت میں

دلوں پر جو گزرتی ہے مسافر کب سمجھتے ہیں 

انہیں احساس کب ہوتا ہے

زادِ رہ سمیٹیں تو کسی کا دل سمٹتا ہے 

رگوں میں خون جمتا ہے

کسی کے الوداعی ہاتھ ہلتے ہیں مگر دل ڈوب جاتا ہے

دل بضد ہے کہ اسے چھو کے سراہا جائے

دل بضد ہے کہ اسے چھو کے سراہا جائے

آنکھ کہتی ہے اسے دور سے چاہا جائے

تُو یہاں بیٹھ مرے جسم، اسے مل آؤں

یہ نہ ہو تو بھی مِرے ساتھ گناہا جائے

کیا بعید ایسی کوئی شام زمیں پر اترے

جب دِیا ٹوٹی ہوئی شب سے بیاہا جائے

روز سنتا ہوں کہ بس آج یا کل نکلے گا

روز سنتا ہوں کہ بس آج یا کل نکلے گا 

کیا کبھی میرے مسائل کا بھی حل نکلے گا

ایسے حالات میں رسی کو جلاتے نہیں دوست

بس ذرا کھینچ کے رکھو گے تو بل نکلے گا

میں جو کہتا ہوں اسے غور سے سن کمرے سے 

حبس! دیوار پہ تصویر بدل، نکلے گا

برادری کے قبیلوں سے بات چل رہی ہے

برادری کے قبیلوں سے بات چل رہی ہے

سو دشمنی پہ دلیلوں سے بات چل رہی ہے

ابھی شکار کی بابت تو کچھ نہیں سوچا

ابھی تو جنگلی چیلوں سے بات چل رہی ہے

اسے ہے ترکِ رفاقت پہ مشورہ درکار

مِری بھی کتنے وکیلوں سے بات چل رہی ہے

جس رات وہ خوابوں کو سجانے نہیں آتے

جس رات وہ خوابوں کو سجانے نہیں آتے

اس رات مِرے ہوش ٹھکانے نہیں آتے

وِڈیو میں جو دیکھا تو وہی وقت، وہی تُو

اب کیسے کہوں، گزرے زمانے نہیں آتے

دو چار منٹ ہیں تو بہت ہیں کہ مجھے بھی

کچھ شعر ہی آتے ہیں، فسانے نہیں آتے

سخن کروں گا میں تجھ سے یہ کائنات ہٹا

سخن کروں گا میں تجھ سے، یہ کائنات ہٹا

تُو میری بات کے رَستے سے اپنی بات ہٹا

میں اس کو دیکھ بھی سکتا تھا چھو بھی سکتا تھا

جب ایک موڑ پہ میرا حجابِ ذات ہٹا

ہزار رنگ کے منظر دکھائی دیں گے تجھے

بس آفتاب کے رستے سے ایک رات ہٹا

جیسے دیکھا ہے دکھایا بھی نہیں جا سکتا

جیسے دیکھا ہے، دکھایا بھی نہیں جا سکتا

خواب کا حال سنایا بھی نہیں جا سکتا

پھینکی جاتی بھی نہیں راہ میں یادیں اس کی

اور یہ بوجھ اٹھایا بھی نہیں جا سکتا

عکس کو آنکھ سے تھاما ہے سرِ آبِ رواں

چاند پانی میں بہایا بھی نہیں جا سکتا

جمال کم سخن سے ایسا کام کیسے ہو گیا

جمالِ کم سخن سے ایسا کام کیسے ہو گیا

میں خوگرِ کلام، بے کلام کیسے ہو گیا

محبتوں کے سلسلے تمہی پہ کیسے رک گئے

مسافروں کا اس گلی قیام کیسے ہو گیا

جو خوئے احتیاط پر تمہارا اختیار ہے

تو روئے بے نیاز لالہ فام کیسے ہو گیا

محل سے شاہ نے دیکھا ہی تھا جلال سمیت

محل سے شاہ نے دیکھا ہی تھا جلال سمیت

ہجوم سہم گیا اپنے اشتعال سمیت

یہ گورکن نے کہا لے کے آخری ہچکی

اتار دینا مجھے قبر میں کدال سمیت

برہنہ جسم کھڑی ہے ندی میں شہزادی

لباس لے گئے بندر اٹھا کے شال سمیت

چمن پہ جو بھی تھے نافذ اصول اس کے تھے

چمن پہ جو بھی تھے نافذ اصول اس کے تھے

تمام کانٹے ہمارے تھے، پھول اس کے تھے

جہاں بھی جاتا وہاں اس کی بادشاہی تھی

تمام سمتیں سبھی عرض و طول اس کے تھے

میں احتجاج بھی کرتا تو کس طرح کرتا

نگر میں فیصلے سب کو قبول اس کے تھے

کسی کے جبر کا دل میں خیال کیا کرتا

کسی کے جبر کا دل میں خیال کیا کرتا

تمام شہر تھا دشمن، بلال کیا کرتا

برس رہے تھے خلاؤں سے آتشیں نیزے

بدن پہ اوڑھ کے کاغذ کی ڈھال کیا کرتا

نگر کے سارے پرندے ہی پر شِکستہ تھے

میں نصب کر کے فضاؤں میں جال کیا کرتا

بک گئی دیوار تو پھر در کا سودا کر دیا

بِک گئی دیوار تو پھر دَر کا سودا کر دیا

رفتہ رفتہ اس نے سارے گھر کا سودا کر دیا

اپنے اپنے نام کی باہر لگا کر تختیاں

باغیوں نے شہر کے اندر کا سودا کر دیا

خیمۂ دشمن میں اپنی جاں بخشی کے لیے

اک سپہ سالار نے لشکر کا سودا کر دیا

کوئی جل میں خوش ہے کوئی جال میں

کوئی جل میں خوش ہے کوئی جال میں 

مست ہیں سب اپنے اپنے حال میں 

جادۂ شمشیر ہو یا فرشِ گل 

فرق کب آیا ہماری چال میں 

ایک آنسو سے کمی آ جائے گی 

غالباً دریاؤں کے اقبال میں 

اچھی گزر رہی ہے دل خود کفیل سے

اچھی گزر رہی ہے دلِ خود کفیل سے

لنگر سے روٹی لیتے ہیں، پانی سبیل سے

دنیا کا کوئی داغ مرے دل پہ کیا لگے

مانگا نہ اک درہم بھی کبھی اس بخیل سے

کیا بوریا نشیں کو ہوس تخت و تاج کی

کیا خاک آشنا کو غرض اسپ و فیل سے

کسی کا دھیان مہ نیم ماہ میں آیا

کسی کا دھیان مہِ نیم ماہ میں آیا 

سفر کی رات تھی اور خواب راہ میں آیا 

طلوعِ ساعتِ شبخوں ہے اور میرا دل 

کسی ستارۂ بد کی نگاہ میں آیا 

مہ و ستارہ سے دل کی طرف چلا وہ جواں 

عدو کی قید سے اپنی سپاہ میں آیا 

کہیں نہیں ہے کہیں بھی نہیں لہو کا سراغ​

لہو کا سراغ​ 

کہیں نہیں ہے کہیں بھی نہیں لہو کا سراغ 

نہ دست و ناخنِ قاتل نہ آستیں پہ نشاں 

نہ سرخئ لبِ خنجر نہ رنگِ نوکِ سِناں 

نہ خاک پر کوئی دھبا نہ بام پر کوئی داغ 

کہیں نہیں ہے کہیں بھی نہیں لہو کا سراغ 

تم اپنی کرنی کر گزرو

تم اپنی کرنی کر گزرو

اب کیوں اس دن کا ذکر کرو 

جب دل ٹکڑے ہو جائے گا 

اور سارے غم مٹ جائیں گے 

جو کچھ پایا کھو جائے گا 

جو مل نہ سکا وہ پائیں گے 

غم نہ کر غم نہ کر

غم نہ کر، غم نہ کر

درد تھم جائے گا غم نہ کر، غم نہ کر

یار لوٹ آئیں گے، دل ٹھہر جائے گا

غم نہ کر، غم نہ کر

زخم بھر جائے گا

غم نہ کر، غم نہ کر

حذر کرو مرے تن سے

حذر کرو مِرے تن سے

سجے تو کیسے سجے قتل عام کا میلہ 

کسے لبھائے گا میرے لہو کا واویلا 

مِرے نزار بدن میں لہو ہی کتنا ہے 

چراغ ہو کوئی روشن نہ کوئی جام بھرے 

نہ اس سے آگ ہی بھڑکے نہ اس سے پیاس بجھے 

نقص نکلیں گے ماہ کامل میں​

نقص نکلیں گے ماہِ کامل میں​

وہ اگر آ گئے مقابل میں​

فرطِ شوخی سے وہ نظر نہ پڑے​

آۓ بھی، اور نہ آئے محفل میں​

ہو جو ہمت تو سب کچھ آساں ہو​

دِقتیں ہیں جو کارِ مشکل میں​

وہ تغافل شعار میں بے تاب

اس کے نبھنے کے کچھ نہیں اسباب 

وہ تغافل شعار میں بے تاب 

واجب القتل ہے دلِ بے تاب 

کشتہ ہونا ہی خوب ہے سیماب 

ابر کی تیرگی میں ہم کو تو 

سوجھتا کچھ نہیں سوائے شراب 

ہم اپنا جو قصہ سنانے لگے

ہم اپنا جو قصہ سنانے لگے 

وہ بولے کہ پھر سر پھرانے لگے 

کہا تھا، اٹھا پردۂ شرم کو 

وہ الٹا ہمیں کو اٹھانے لگے 

ذرا دیکھیے ان کی صنّاعیاں 

مجھے دیکھ کر منہ بنانے لگے 

ذبح کر ڈالا مجھے رفتار سے

ذبح کر ڈالا مجھے رفتار سے

تیز تر چلتے ہیں وہ تلوار سے

گالیاں دے کر نکالا بزم سے

لو وظیفہ مل گیا سرکار سے

قیمتِ دل تو کہاں گر مفت دوں

تو بھی وہ لیتے ہیں سو تکرار سے

میرے سنگ مزار پر فرہاد

میرے سنگِ مزار پر فرہاد

رکھ کے تیشہ کہے ہے یا استاد

ہم سے بِن مرگ کیا جدا ہو ملال

جان کے ساتھ ہے دلِ ناشاد

آنکھیں مُوند اور سفر عدم کا کر

بس بہت دیکھا عالمِ ایجاد

اب جو اک حسرت جوانی ہے

اب جو اک حسرتِ جوانی ہے 

عمرِ رفتہ کی یہ نشانی ہے 

رشکِ یوسف ہے آہ وقت عزیز 

عمر اک بار کاروانی ہے 

گریہ ہر وقت کا نہیں بے ہیچ 

دل میں کوئی غم نہانی ہے 

دل جو ناگاہ بے قرار ہوا

دل جو ناگاہ بے قرار ہُوا 

اس سے کیا جانوں کیا قرار ہوا 

شب کا پہنا جو دن تلک ہے مگر 

ہار اس کے گلے کا ہار ہوا 

گرد سر اس کے جو پھِرا میں بہت 

رفتہ رفتہ مجھے دوار ہوا 

گل کو محبوب ہم قیاس کیا

گُل کو محبوب ہم قیاس کِیا

فرق نکلا بہت جو باس کیا

دل نے ہم کو مثالِ آئینہ

ایک عالم کا روشناس کیا

کچھ نہیں سُوجھتا ہمیں اس بِن

شوق نے ہم کو بے حواس کیا

تاخیر آج دفتر میں دیر مجھ کو ہوئی

تاخیر

آج دفتر میں دیر مجھ کو ہوئی 

سر کھپایا ہے فائلوں میں بہت 

‏کیوں الجھتی ہو ناگہاں مجھ سے

میری جاں مجھ میں اب نہیں ہے سکت

پھر کبھی میری خامشی پر تم 

طیش کھانا، ملال کر لینا

وہ وقت یقیناً آئے گا

یوم مئی کی مناسبت سے تنویر سپرا کی ایک نظم

وہ وقت یقیناً آئے گا
وہ وقت یقیناً آئے گا
وہ وقت یقیناً آئے گا
جب دہقانوں کے کنبے خالی پیٹ نا مرنے پائیں گے
جب محنت کش کی محنت کا پھل اس کے بچے کھائیں گے
جب موٹی موٹی توندوں پر ہاری کوڑے برسائیں گے