اس غریبی میں گزارہ نہیں ہوتا مولا

اِس غریبی میں گزارہ نہیں ہوتا مولا

غیب سے کوئی اشارہ نہیں ہوتا مولا

مجھ کو ہِجرت کی کوئی راہ سُجھا، ہمت دے

مجھ سے یہ شہر گوارہ نہیں ہوتا مولا

جب میں گِھر جاتا ہوں انبوہِ مصائب میں کبھی

تجھ بِنا کوئی سہارا نہیں ہوتا مولا

سوچتا ہوں تو ہر اِک سمت سمندر ہی ملے

دیکھتا ہوں تو کِنارا نہیں ہوتا مولا

کچھ نہ کچھ پِھر بھی کمی رہتی ہے

چاند ہوتا ہے، ستارہ نہیں ہوتا مولا

فرحت عباس شاہ