رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
وہی بے وجہ سی اداسیاں کبھی وحشتیں تِرے شہر میں
تُو گیا تو مجھ سے بچھڑ گئیں سبھی رونقیں ترے شہر میں
مِری بے بسی کی کتاب کا کوئی ورق تُو نے پڑھا نہیں
تجھے کیا خبر کہاں مر گئیں مِری خواہشیں ترے شہر میں
سبھی ہاتھ مجھ پہ اٹھے یہاں سبھی لفظ مجھ پہ کسے گئے
مِری سادگی کے لباس پر پڑیں سلوٹیں ترے شہر میں
پھول کو خار سے نوکیلا بنا دیتے ہیں
وسوسے رشتوں کی بنیاد ہلا دیتے ہیں
غمزدہ دیکھ کے مایوس نہ ہو بذلہ سنج
دل دکھا ہو تو لطیفے بھی رُلا دیتے ہیں
سرخ ذروں میں بدل دیتی ہے اشکوں کی تڑپ
بعض غم جینے کے انداز سِکھا دیتے ہیں
دمِ آخیر بھی ہم نے زباں سے کچھ نہ کہا
جہاں سے اٹھ گئے اہلِ جہاں سے کچھ نہ کہا
چلی جو کشتئ عمرِ رواں تو چلنے دی
رکی تو کشتئ عمرِ رواں سے کچھ نہ کہا
خطائے عشق کی اتنی سزا ہی کافی تھی
بدل کے رہ گئے تیور، زباں سے کچھ نہ کہا
زندگی نام ہے جس چیز کا کیا ہوتی ہے
چلتی پھرتی یہ زمانے کی ہوا ہوتی ہے
سیر دنیا کی، نہ کچھ یاد خدا ہوتی ہے
عمر انہی جھگڑوں میں تاراج فنا ہوتی ہے
روح جب قالبِ خاکی سے جدا ہوتی ہے
کس کو معلوم، کہاں جاتی ہے، کیا ہوتی ہے
سنوارے ہے گیسو تو دیکھا کرے ہے
وہ اب دل کو آئینہ جانا کرے ہے
نہ باتیں کرے ہے نہ دیکھا کرے ہے
مگر میرے بار میں سوچا کرے ہے
محبت سے وہ دشمنی ہے کہ دنیا
ہوا بھی لگے ہے تو چرچا کرے ہے
اک آتی ہے منزل کہ ہر حسن والا
تمنائیوں کی تمنا کرے ہے
وہ حد سے دُور ہوتے جا رہے ہیں
بڑے مغرُور ہوتے جا رہے ہیں
بسے ہیں جب سے وہ میری نظر میں
سراپا نُور ہوتے جا رہے ہیں
جو پھوٹے آبلے دل کی خلش سے
وہ اب ناسُور ہوتے جا رہے ہیں
