آستیں میری ہے اور دیدۂ تر ہے اے دوست
اب مِرے اشک کا قطرہ بھی گہر ہے اے دوست
یہ نہ دیکھا کہ تبسم کی تہوں میں کیا ہے
کس قدر کور محبت کی نظر ہے اے دوست
دل تھا محتاط تو در بھی نظر آئے دیوار
دل ہے بیتاب تو دیوار بھی در ہے اے دوست
عقل اور عشق میں مدت سے ہے اک حالتِ جنگ
اور مِرا دل نہ اِدھر ہے نہ اُدھر ہے اے دوست
عشق سے ہو نہ سکا تیری امانت کا لحاظ
آئینہ ٹوٹ گیا تجھ کو خبر ہے اے دوست
ہو نہ زحمت تو اچٹتی سی نظر سُوئے جمیلؔ
یہ گدا سائلِ یک زخمِ جگر ہے اے دوست
جمیل مظہری
اب مِرے اشک کا قطرہ بھی گہر ہے اے دوست
یہ نہ دیکھا کہ تبسم کی تہوں میں کیا ہے
کس قدر کور محبت کی نظر ہے اے دوست
دل تھا محتاط تو در بھی نظر آئے دیوار
دل ہے بیتاب تو دیوار بھی در ہے اے دوست
عقل اور عشق میں مدت سے ہے اک حالتِ جنگ
اور مِرا دل نہ اِدھر ہے نہ اُدھر ہے اے دوست
عشق سے ہو نہ سکا تیری امانت کا لحاظ
آئینہ ٹوٹ گیا تجھ کو خبر ہے اے دوست
ہو نہ زحمت تو اچٹتی سی نظر سُوئے جمیلؔ
یہ گدا سائلِ یک زخمِ جگر ہے اے دوست
جمیل مظہری
No comments:
Post a Comment