تغافل کا کروں ان سے گلہ کیا​

تغافل کا کروں ان سے گِلہ کیا​

وہ کیا جانیں جفا کیا ہے وفا کیا

محبت میں تمیزِ دشمن و دوست

یہاں نا آشنا کیا، آشنا کیا​

زمانے بھر سے میں‌ کھو گیا ہوں​

تمہیں پا کر مجھے آخر مِلا کیا ​

پھِرِیں مجھ سے زمانے کی نگاہیں​

پھِری مجھ سے نگاہِ آشنا کیا​

وفا کے مدعی! افسوس، افسوس

تجھے بھی بھُول جانا آ گیا کیا​

نہ مانی ہے نہ مانیں گے تِری بات​

حفیظؔ! ان سے تقاضائے وفا کیا​

حفیظ ہوشیار پوری