یہ دل کبھی نہ محبت میں کامیاب ہوا​

یہ دل کبھی نہ محبت میں کامیاب ہُوا​

مجھے خراب کِیا، آپ بھی خراب ہوا​

اجل میں، زِیست میں، تُربت میں، حشرمیں ظالم​

تِرے ستم کے لیے میں ہی انتخاب ہوا​

نگاہِ مست کو ساقی کی کون دے الزام​

مِرا نصیب، کہ رسوا مِرا شباب ہوا​

ہمارے عشق کی دس بیس نے بھی داد نہ دی​

کسی کا حسن، زمانے میں انتخاب ہوا​

فنا کا دعویٰ ہزاروں کو تھا زمانے میں​

حباب نے مجھے دیکھا، تو آب آب ہوا​

بیخود دہلوی