اب نہ فریاد نہ ماتم نہ فغاں اے ساقی
نطق و گویائ کی طاقت ہی کہاں اے ساقی
ایک ملاح سے محروم سفینے کی طرح
زیست ہے بحرِ حوادث میں رواں اے ساقی
جن کا ہر سانس تھا اک موجہٴ صہبائے نشاط
یہ غم و فکر سے ڈھلکے ہوئے ویراں چہرے
جیسے اجڑی ہوئی قبروں کے نشاں اے ساقی
یہ لرزتے ہوئے ڈھانچے یہ سُبکتے ہوئے دل
یہ تڑپتی ہوئی لاشوں کا سماں اے ساقی
لذتِ خواب سے محروم یہ گھائل نیندیں
ناوکِ غم سے یہ زخمی دل و جاں اے ساقی
بیکراں عرصہٴ ہستی میں نہ دیکھی ہو گی
کسی گلشن نے کبھی ایسی خزاں اے ساقی
کچھ تو بتلا، تجھے اسرارِ محبت کی قسم
کیا نہ بدلے گا کبھی دورِ جہاں اے ساقی
عامر عثمانی
No comments:
Post a Comment