غلط معانی دئیے جاتے ہیں زیرِ لب تبسم کو
سمجھ پاۓ نہ اب تک لوگ اس خاموش قلزم کو
بڑا دھوکا دیا ہم کو ہماری خوش خیالی نے
نہ جانے کیا سمجھ بیٹھے نگاہوں کے تصادم کو
محبت میں خطائیں ایک جانب سے نہیں ہوتیں
زباں خاموش، ماتھے پر شکن، آنکھوں میں افسانے
کوئی سمجھائے کیا کہتے ہیں اس طرزِ تکلم کو
تمہیں ناراض ہونے کا سلیقہ بھی نہیں آتا
شکن ماتھے پی ڈالو، اور روکو اس تبسم کو
زمانہ ہو گیا اقبالؔ ہم اک ساتھ رہتے ہیں
تعجب ہے سمجھ پاۓ نہ تم ہم کو، نہ ہم تم کو
اقبال عظیم
No comments:
Post a Comment