اب تبسم کا ہے یہ رنگ دھواں ہو جیسے ​

اب تبسم کا ہے یہ رنگ، دھواں ہو جیسے ​

آج نغمہ کا یہ عالم ہے، فغاں ہو جیسے​

کچھ نہ کہنے پہ بھی سب کچھ ہے زمانے پہ عیاں ​

خامشی حسن و محبت کی زباں ہو جیسے​

قافلہ مہر و وفا کا یہ کہاں آ پہونچا​

زندگی راہ میں خود سنگِ گراں ہو جیسے​

واعظِ شہر کی باتوں پہ ہنسی آتی ہے ​

یہ بھی مِن جملۂ صاحب نظراں ہو جیسے​

دردِ دل سخت ہے جانکاہ مگر کیا کیجیے ​

زندگانی کی یہی روح ِرواں ہو جیسے ​

دل غمِ ہجرسے مانوس ہے اتنا ماہر​ؔ

خواہشِ وصلِ محبت کا زیاں ہو جیسے​

​

ماہر القادری​