صنم خانۂ خیال
شیریں لبوں میں خلد کا مفہوم بے نقاب
زلفوں میں جھومتی ہوئی موجِ جنوں نواز
موجِ جنوں نواز میں طوفانِ بے خودی
طوفانِ بے خودی میں تمناؤں کا گداز
باتوں میں لہلہاتی ہوئی جام کی کھنک
اعضاء میں لوچ، باتوں میں رس، دل میں مستیاں
آنکھوں میں نور، نور میں رنگینیٔ مجاز
رنگینیٔ مجاز میں گہری حقیقتیں
گہری حقیقتوں میں بہت ہی عمیق راز
رازوں میں میرے شعر کا سر چشمۂ خیال
وہ ہیں عؔدم کہ ایک صنم خانۂ خیال
عبدالحمید عدم
No comments:
Post a Comment