گیت
شامِ غم کی قسم آج غمگیں ہیں ہم
آ بھی جا! آ بھی جا! آج میرے صنم
شام غم کی قسم
دل پریشان ہے رات ویران ہے
دیکھ جا کس طرح آج تنہا ہیں ہم
شام غم کی قسم ۔۔۔
چین کیسا جو پہلو میں تُو ہی نہیں
مار ڈالے نہ دردِ جدائی کہیں
رُت حسیں ہے تو کیا، چاندنی ہے تو کیا
چاندنی ظلم ہے اور جدائی ستم
شام غم کی قسم ۔۔۔
اب تو آ جا! کہ اب رات بھی سو گئی
زندگی غم کے صحراؤں میں کھو گئی
ڈھونڈتی ہے نظر تُو کہاں ہے مگر
دیکھتے دیکھتے آیا آنکھوں میں نم
شام غم کی قسم ۔۔۔
مجروح سلطانپوری
No comments:
Post a Comment