پہلے سفر نصیب کو صحرا دیا گیا
پھر دوپہر کے وقت کو رُکوا دیا گیا
خوشرنگ موسموں کی کہانی گھڑی گئی
مصنوعی خوشبووں کا حوالہ دیا گیا
پہرے بٹھا دیے گئے کلیوں پہ جبر کے
بادِ صبا کو دیس نکالا دیا گیا
ویران کر کے چاندنی کی کھیتیاں سبھی
اہلِ ہنر کو ایک دریچہ دیا گیا
ہر کم نسب کو محترم جانا گیا یہاں
جو بھی نجیب تھا اسے طعنہ دیا گیا
رکھوا کے سب چراغ کھلے آسماں تلے
بے مہر آندھیوں کو اشارہ دیا گیا
کھولا گیا محاذ کسی اور سمت میں
دشمن کو اور سمت سے رستہ دیا گیا
اونچے منارے اور بھی اونچے کئے گئے
مزدور کو معاوضہ آدھا دیا گیا
جو زندگی کی مانگ سجاتے رہے سدا
قسطوں میں بانٹ کر انہیں جینا دیا گیا
ہم بھی تھے خیر مانگنے والوں میں اس لئے
ہم کو فصیلِ شہر میں چنوا دیا گیا
چارہ گری کے نام پر اظہرؔ ہمیں یہاں
جو بھی زخم دیا گیا، گہرا دیا گیا
پھر دوپہر کے وقت کو رُکوا دیا گیا
خوشرنگ موسموں کی کہانی گھڑی گئی
مصنوعی خوشبووں کا حوالہ دیا گیا
پہرے بٹھا دیے گئے کلیوں پہ جبر کے
بادِ صبا کو دیس نکالا دیا گیا
ویران کر کے چاندنی کی کھیتیاں سبھی
اہلِ ہنر کو ایک دریچہ دیا گیا
ہر کم نسب کو محترم جانا گیا یہاں
جو بھی نجیب تھا اسے طعنہ دیا گیا
رکھوا کے سب چراغ کھلے آسماں تلے
بے مہر آندھیوں کو اشارہ دیا گیا
کھولا گیا محاذ کسی اور سمت میں
دشمن کو اور سمت سے رستہ دیا گیا
اونچے منارے اور بھی اونچے کئے گئے
مزدور کو معاوضہ آدھا دیا گیا
جو زندگی کی مانگ سجاتے رہے سدا
قسطوں میں بانٹ کر انہیں جینا دیا گیا
ہم بھی تھے خیر مانگنے والوں میں اس لئے
ہم کو فصیلِ شہر میں چنوا دیا گیا
چارہ گری کے نام پر اظہرؔ ہمیں یہاں
جو بھی زخم دیا گیا، گہرا دیا گیا
اظہر ادیب
No comments:
Post a Comment