عرصہ ہوا ہے اب وہ بلاتا نہیں ہمیں

عرصہ ہوا ہے اب وہ بُلاتا نہیں ہمیں
اتنا خفا ہوا کہ ستاتا نہیں ہمیں
اس سے ملے بغیر بھی بے چین تھے، مگر
اب چَین اس سے مِل کے بھی آتا نہیں ہمیں
ہم غم پہ ہنس رہے ہیں اسے ہم سے کیا مِلا
کیوں پھر بھی چھوڑ کر کہیں جاتا نہیں ہمیں
پیتے ہیں اس کی یاد میں تاریکیوں کے جام
اس مے کدے سے کوئی اُٹھاتا نہیں ہمیں
ہم زندگی کی کون سی منزل پہ آ گئے
کوئی سکون راس ہی آتا نہیں ہمیں
کیا رازؔ اپنے دل میں بھی بارود تو نہیں
اب کیوں خُدا بھی خُود سے مِلاتا نہیں ہمیں

رازدان راز