دشت تنہائی میں بے کار ہوا کرتے ہیں
ہم تِرے ہجر میں مسمار ہوا کرتے ہیں
جب ترے روپ کو آنکھوں میں سجاتا ہوں تو یار
روح کے دشت بھی گلزار ہوا کرتے ہیں
تیرگی اپنے مقدر میں بسی ہے، لیکن
ہم تِرے لمس سے ضوبار ہوا کرتے ہیں
جو محبت کو فقط کارِ عبادت جانیں
لوگ وہ صاحبِ کردار ہوا کرتے ہیں
عاشقی جسم پرستی کے سوا کچھ بھی نہیں
جو یہ سوچیں، وہ گنہگار ہوا کرتے ہیں
گھر کے آنگن میں درختوں کو لگانے والے
خود پرندوں کے پرستار ہوا کرتے ہیں
تجھ سے ملنے کا اگر یار ارادہ باندھوں
لوگ پھر راہ کی دیوار ہوا کرتے ہیں
ہم تِرے ہجر میں مسمار ہوا کرتے ہیں
جب ترے روپ کو آنکھوں میں سجاتا ہوں تو یار
روح کے دشت بھی گلزار ہوا کرتے ہیں
تیرگی اپنے مقدر میں بسی ہے، لیکن
ہم تِرے لمس سے ضوبار ہوا کرتے ہیں
جو محبت کو فقط کارِ عبادت جانیں
لوگ وہ صاحبِ کردار ہوا کرتے ہیں
عاشقی جسم پرستی کے سوا کچھ بھی نہیں
جو یہ سوچیں، وہ گنہگار ہوا کرتے ہیں
گھر کے آنگن میں درختوں کو لگانے والے
خود پرندوں کے پرستار ہوا کرتے ہیں
تجھ سے ملنے کا اگر یار ارادہ باندھوں
لوگ پھر راہ کی دیوار ہوا کرتے ہیں
مبشر سعید
No comments:
Post a Comment