کب میرا نشیمن اہلِ چمن گلشن میں گوارا کرتے ہیں
غنچے اپنی آوازوں میں بجلی کو پکارا کرتے ہیں
پونچھو نہ عرق رُخساروں سے رنگینئ حُسن کو بڑھنے دو
سُنتے ہیں کہ شبنم کے قطرے پھولوں کو نکھارا کرتے ہیں
جاتی ہوئی میت دیکھ کے بھی اللہ تم اُٹھ کے آ نہ سکے
دو چار قدم تو دُشمن بھی تکلیف گوارا کرتے ہیں
بے وجہ نجانے کیوں ضد ہے ان کو شبِ فُرقت والوں سے
وہ رات بڑھا دینے کے لیے گیسُو کو سنوارا کرتے ہیں
اب نزع کا عالم ہے مُجھ پر تم اپنی محبت واپس لو
جب کشتی ڈُوبنے لگتی ہے تو بوجھ اُتارا کرتے ہیں
کچھ حپسن و عشق میں فرق نہیں، ہے بھی تو فقط رُسوائی کا
تم ہو کہ گوارا کر نہ سکے، ہم ہیں کہ گوارا کرتے ہیں
تاروں کی بہاروں میں بھی قمرؔ! تم افسُردہ سے رہتے ہو
پُھولوں کو تو دیکھو کانٹوں میں ہنس ہنس کے گزارہ کرتے ہیں
استاد قمر جلالوی
غنچے اپنی آوازوں میں بجلی کو پکارا کرتے ہیں
پونچھو نہ عرق رُخساروں سے رنگینئ حُسن کو بڑھنے دو
سُنتے ہیں کہ شبنم کے قطرے پھولوں کو نکھارا کرتے ہیں
جاتی ہوئی میت دیکھ کے بھی اللہ تم اُٹھ کے آ نہ سکے
دو چار قدم تو دُشمن بھی تکلیف گوارا کرتے ہیں
بے وجہ نجانے کیوں ضد ہے ان کو شبِ فُرقت والوں سے
وہ رات بڑھا دینے کے لیے گیسُو کو سنوارا کرتے ہیں
اب نزع کا عالم ہے مُجھ پر تم اپنی محبت واپس لو
جب کشتی ڈُوبنے لگتی ہے تو بوجھ اُتارا کرتے ہیں
کچھ حپسن و عشق میں فرق نہیں، ہے بھی تو فقط رُسوائی کا
تم ہو کہ گوارا کر نہ سکے، ہم ہیں کہ گوارا کرتے ہیں
تاروں کی بہاروں میں بھی قمرؔ! تم افسُردہ سے رہتے ہو
پُھولوں کو تو دیکھو کانٹوں میں ہنس ہنس کے گزارہ کرتے ہیں
استاد قمر جلالوی
No comments:
Post a Comment