بہشت میں بھی کہاں یار کی مثالیں ہیں

بہشت میں بھی کہاں یار کی مثالیں ہیں

یہ چند پھول تو رخسار کی مثالیں ہیں

جہاں بھی تم ہو تمہارا طواف کرتی ہیں

یہ تتلیاں بھی مِرے پیار کی مثالیں ہیں

یہ عشق تھوڑی ہے جو ہر کسی کو مل جائے

ہوس کے ذکر میں دو چار کی مثالیں ہیں

عجیب دوست ہیں یہ دھوپ دینے والے دوست

شجر نہیں ہیں یہ اشجار کی مثالیں ہیں

ہمارے عشق پہ ایمان کو بہت ہیں عطا

جو چند میر کے اشعار کی مثالیں ہیں

احمد عطاءاللہ