چمن کوچہ جاناں سے یہ کیا آتی ہے

چمن کوچۂ جاناں سے یہ کیا آتی ہے

ناز کرتی ہوئی جو بادِ صبا آتی ہے

لے کے پیغام زبانی جو چلا ہے قاصد

بات بگڑی ہوئی کیا اوس کو بنا آتی ہے

کس کے میں دستِ نگاریں کا ہوں زخمی یارب

ہر گلِ زخم سے جو بوۓ حنا آتی ہے

جی میں آتا ہے مسیحا سے میں پوچھوں جا کر

مرضِ عشق کی بھی تجھ کو دوا آتی ہے

چھوڑ جاتا ہے وہ جب گھر میں اکیلا مجھ کو

در و دیوار سے رونے کیا صدا آتی ہے

یادِ گیسو میں الجھتا ہے سرِ شام سے دل

رات کیا آتی ہے اک سرپہ بلا آتی ہے

منور خان غافل