بقدرِ ظرف محبت کا کاروبار چلے
مزہ تو جب ہے کہ ہر لمحہ ذکرِ یار چلے
تری نگاہ کے جب اہلِ دل پہ وار چلے
خزاں نصیب چمن جانبِ بہار چلے
اتر نہ جائے کہیں تیرے حسن کی رنگت
جو آ گئی کبھی سر دینے کی گھڑی اے دوست
خوشی خوشی تِرے دیوانے سوئے دار چلے
اداس دیکھ کے ماحولِ مۓ کدہ ساقی
نیاز مندِ وفا آج سوگوار چلے
مآلِ لذتِ شوقِ وصال کی سوگند
قرار مانگنے آئے تھے بے قرار چلے
خیالِ بادہ کشی آ گیا جو اے میکشؔ
ادب سے جانبِ میخانہ بادہ خوار چلے
میکش ناگپوری
No comments:
Post a Comment