لاکھ روکا تھا زمانے نے مگر لایا ہوں
موسمِ مرگ میں جینے کی خبر لایا ہوں
دھول چہرے پہ جمی، پاؤں میں چھالوں کی بہار
بس یہی صاحبو! سامانِ سفر لایا ہوں
گو کہ پامالِ زمانہ ہوں، مگر تیرے لیے
تُو ضرورت ہے مِری میں ہوں ضرورت تیری
تیرے گھر زَر ہے تو میں دستِ ہنر لایا ہوں
جس کو تُو چھوڑ کے آیا تھا مِرے پہلو میں
میں وہی خواب سرِ دیدۂ تر لایا ہوں
کون کہتا ہے تہی دست زمیں پر اترا
اور کیا لاتا میں اوصافِ بشر لایا ہوں
میں نے اک شب درِ اقدس پہ گزاری ثاقبؔ
جلوۂ یار سے کشکول کو بھر لایا ہوں
سہیل ثاقب
No comments:
Post a Comment