فتنہ و شر سے سدا خود کو بچائے رکھئے

فتنہ و شر سے سدا خود کو بچائے رکھئے

روٹھنے والوں کو پہلے سے منائے رکھئے

بولئے جھوٹ سراسر،۔۔ مگر اتنا کیجے

دھوپ کے چشمے سے آنکھوں کو چھپائے رکھئے

وہ بھی عاشق ہی تو ہے، کام کبھی آئے گا

دل نہیں دیتے نہ دیں دوست بنائے رکھئے

کیجئے چڑھتے اترتے ہوئے سورج کا خیال

ہے بدن ایک مگر سینکڑوں سائے رکھئے

دل کہاں جنسِ گراں مایہ کہ سودا کیجے

جسم ہے گرمئ بازار سجائے رکھئے

مسلم سلیم